|
|
 |
| (GMT+08:00)
2007-02-18 18:08:20
|
 |
|
ທ່ານອາບັສຮຽກຮ້ອງປະຊາຄົມໂລກໃຫ້ໂອກາດແກ່ລັດຖະບານປະສົມແຫ່ງຊາດປາເລັສຕີນ
cri
Author: MO
ຕາມຂ່າວCRI：ວັນທີ 17 ກຸມພານີ້, ຜູ້ຊ່ອຍທ່ານມາມູດ ອາບັສ ປະທານອົງການອຳນາດແຫ່ງຊາດປາເລັສຕີນເວົ້າວ່າ, ມື້ດຽວກັນຢູ່ເມືອງລາມາລາ, ທ່ານອາບັສກ່າວວ່າ, ປະຊາຄົມໂລກຄວນໃຫ້ໂອກາດແກ່ລັດຖະບານປະສົມແຫ່ງຊາດປາເລັສຕີນແລະຕິດຕໍ່ພົວພັນກັນເຂົ້າ.
ຕາມການເຜີຍໃຫ້ຮູ້ວ່າ, ທ່ານອາບັສແມ່ນໃຫ້ທັດສະນະດັ່ງກ່າວໃນເວລາພົບປະທ່ານດາວິດແວຊີ ທູດພິເສດອາເມລິກາທີ່ໄປຢາມ. ທ່ານອາບັສຊີ້ອອກວ່າ, ເຖິງວ່າໂຄງການດຳເນີນການປົກຄອງຂອງລັດຖະບານປະສົມທີ່ຈະສ້າງຕັ້ງຂຶ້ນນັ້ນບໍ່ສາມາດຕອບສະໜອງຄວາມຮຽກຮ້ອງຂອງປະຊາຄົມໂລກໃນດ້ານຮັບຮອງອິສຣາແອນເປັນຕົ້ນກໍ່ຕາມ, ແຕ່ປະຊາຄົມໂລກກໍຄວນຕິດຕໍ່ພັວພັນກັບລັດຖະບານຊຸດໃໝ່ໃຫ້ຫຼາຍຂຶ້ນກວ່າເກົ່າ.
ມື້ດຽວກັນ, ນາງຄອນໂດຣີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາກ່າວເນັ້ນວ່າ, ລັດຖະບານປະສົມແຫ່ງຊາດປາເລັສຕີນຄວນປະຕິບັດຕາມ 3 ຂໍ້ທີ່ 4 ຝ່າຍທີ່ກ່ຽວຂ້ອງກັບບັນຫາຕາເວັນອອກກາງສະເໜີອອກເພື່ອແກ້ໄຂການວິວາດກັນລະຫວ່າງປາເລັສຕີນກັບອິສຣາແອນໂດຍຜ່ານຊ່ອງທາງການເມືອງ, ເຊັ່ນຮັບຮອງອິສຣາແອນ ປະລະກຳລັງອາວຸດ ແລະເຄົາລົບສັນຍາສັນຕິພາບທີ່ທັງສອງຝ່າຍປາເລັສຕີນອິສຣາແອນໄດ້ຕົກລົງກັນແລ້ວ.
|
|
|
