|
|
 |
| (GMT+08:00)
2007-02-19 17:44:51
|
 |
|
ນາງໄລສ໌ແຍກອອກຈັດການເຈລະຈາກັບທ່ານອາບັສແລະທ່ານໂອເມີດ
cri
Author: MO
ຕາມຂ່າວCRI: ວັນທີ 18 ກຸມພາ, ນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ພວມຢ້ຽມຢາມເຂດຕາເວັນອອກກາງໄດ້ແຍກອອກຈັດການເຈລະຈາກັບທ່ານມາມູດ ອາບັສ ປະທານອົງການອຳນາດແຫ່ງຊາດປາເລັສຕີນ ແລະທ່ານເອຮູດ ໂອເມີດ ນາຍົກລັດຖະມົນຕີອິສຣາແອນ, ໝາຍຈະປະສານຫຼັກໝັ້ນຂອງຝ່າຍຕ່າງໆກ່ຽວກັບບັນຫາລັດຖະບານຊຸດໃໝ່ຂອງປາເລັສຕີນແລະອື່ນໆ.
ຫຼັງຈາກເຈລະຈາກັບທ່ານອາບັສແລ້ວ, ນາງໄລສ໌ກ່າວວ່າ, ນາງບໍ່ໄດ້ເຫັນມີວີແວວແນວໃດທີ່ລັດຖະບານປະສົມຊຸດໃໝ່ຂອງປາເລັສຕີນຈະເຮັດຕາມເງື່ອນໄຂຮັບຮອງຂອງອາເມລິກາ.
ໃນເວລານາງໄລສ໌ເຈລະຈາກັບທ່ານໂອເມີດ, ທ່ານໂອເມີດກ່າວເນັ້ນວ່າ, ລັດຖະບານປາເລັສຕີນຊຸດໃໝ່ຮັບຮອງອິສຣາແອນ ປະລະການໃຊ້ກຳລັງຮຸນແຮງ, ແລະເຄົາລົບສັນຍາອິສຣາແອນປາເລັສຕີນທີ່ມີຢູ່ໃນປັດຈຸບັນແມ່ນປະຖົມປັດໃຈທີ່ອິສຣາແອນໃນການຮັບຮອງລັດຖະບານຊຸດໃໝ່ຂອງປາເລັສຕີນ .
ຕອນເຊົ້າມື້ດຽວກັນ, ໃນກອງປະຊຸມປະຈຳຄະນະລັດຖະບານ, ທ່ານໂອເມີດກ່າວວ່າ, ອິສຣາແອນກັບອາເມລິກາມີທ່າທີເປັນເອກະສັນກັນໝົດໃນການປະຕິບັດຕໍ່ລັດຖະບານຊຸດໃໝ່ຂອງປາເລັສຕີນ.
ນອກນີ້, ຂ່າວແຈ້ງວ່າ, ວັນທີ 18 ກຸມພາ, ຢູ່ໂດຮາ ນະຄອນຫຼວງກາຕາ ທ່ານອາມ ມາມູດ ໂມຊາ ເລຂາທິການໃຫຍ່ສັນນິບາດປະເທດອາລັບກ່າວວ່າ, ຫວັງວ່າອາເມລິກາຄົງສາມາດກາຍເປັນຜູ້ໄກ່ເກ່ຍທີ່ຍຸດຕິທຳໃນການປະທະກັນລະຫວ່າງປາເລັສຕີນກັບອິສຣາແອນ.
|
|
|
