|
ທ່ານອາບັສກ່າວວ່າ, ການພົບປະສາມຝ່າຍຄືອາເມລິກາປາເລັສຕີນແລະອິສຣາແອນທັງລຳບາກທັງເຄັ່ງຕຶງ
cri
Author: mo
ຕາມຂ່າວສານຊີນຮວາ: ວັນທີ 20 ກຸມພານີ້, ພາຍຫຼັງສິ້ນສຸດການເຈລະຈາກັບສົມເດັດອັບດູນລາ ບິນ ອານ ຮຸດແຊນ ເຈົ້າຊີວິດຊອກດານີແລ້ວ, ທ່ານອາບັສ ປະທານອົງການອຳນາດແຫ່ງຊາດປາເລັສຕີນທີ່ໄປຢ້ຽມຢາມຊອກດານີໄດ້ໃຫ້ສຳພາດຕໍ່ສື່ມວນຊົນໃນແຫ່ງນັ້ນວ່າ, ການພົບປະເຈລະຈາສາມຝ່າຍລະຫວ່າງທ່ານກັບນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາແລະທ່ານເອຮູດ ໂອເມີດ ນາຍົກລັດຖະມົນຕີອິສຣາແອນທີ່ຈັດຂຶ້ນຢູ່ເຢລູຊາເລັມໃນວັນທີ 19 ກຸມພານັ້ນທັງລຳບາກທັງເຄັ່ງຕຶງ, ແຕ່ບໍ່ໄດ້ຫຼົ້ມເຫຼວ. ທ່ານຍັງຈະຈັດການພົບປະກັບທ່ານໂອເມີດອີກໃນໄວໆນີ້.
ທ່ານອາບັສຍັງກ່າວເນັ້ນວ່າ, ຜູ້ແທນຂອງຂະບວນການປົດປ່ອຍຊາດປາເລັສຕີນຫຼືອານຟາຕາແລະຜູ້ແທນຂະບວນການຕໍ່ຕ້ານອິສຣາມປາເລັສຕີນຫຼືຮາມັສ ໄດ້ເຊັນສັນຍາແມັກກາຢູ່ອາລາບີ ຊາອູດິດ ໃນວັນທີ 8 ກຸມພານີ້, ຈຸດປະສົງແມ່ນເພື່ອປົກປັກຮັກສາຜົນປະໂຫຍດຂອງຊາດແລະຄວາມສາມັກຄີຂອງປະຊາຊົນປາເລັສຕີນ.
ທ່ານອາບັສແລະນາງໄລສ໌ໄດ້ເດີນທາງໄປຮອດອຳມານ ນະຄອນຫຼວງຊອກດານີໃນວັນທີ 20 ກຸມພານີ້, ແລະຕ່າງໄດ້ຈັດການເຈລະຈາກັບສົມເດັດອັບດູນລາ ເຈົ້າຊີວິດຊອກດານີ.
|
|
