|
ເຈົ້າໜ້າທີ່ອາເມລິກາກ່າວວ່າ, ອັງກິດຈະເລີ່ມຖອນທະຫານອອກຈາກອີຣັກ
cri
Author: mo
ຕາມຂ່າວສານຊີນຮວາ: ວັນທີ 20 ກຸມພານີ້ຢູ່ວໍຊີງຕັນ, ທ່ານກໍເດີນ ຈອນໂດຼ ໂຄສົກຄະນະກຳມະການຄວາມປອດໄພແຫ່ງຊາດອາເມລິກາໃຫ້ສຳພາດຕໍ່ສື່ມວນຊົນວ່າ, ມື້ດຽວກັນ, ທ່ານໂທນີ ແບຼ ນາຍົກລັດຖະມົນຕີອັງກິດໄດ້ໂທລະສັບຫາທ່ານຈອດ ບຸສ ປະທານາທິບໍດີອາເມລິກາ, ໂດຍກ່າວວ່າ, ອັງກິດຈະເລີ່ມຖອນທະຫານອອກຈາກອີຣັກ.
ທ່ານຈອນໂດຼເວົ້າວ່າ, ອັງກິດເຮັດແນວນີ້ແມ່ນຂີດໝາຍທີ່ສະແດງໃຫ້ເຫັນວ່າ, ສະຖານະການອີຣັກເດີນໄປສູ່ຄວາມໝັ້ນທ່ຽງ, ທ່ານບຸສສະແດງຄວາມຂອບອົກຂອບໃຈຕໍ່ອັງກິດທີ່ໄດ້ໃຫ້ຄວາມຊ່ອຍເຫຼືອໃນບັນຫາອີຣັກ. ທ່ານບຸສກ່າວວ່າ, ອາເມລິກາກໍມີຈຸດໝາຍຢາກມອບໜ້າທີ່ຮັກສາຄວາມປອດໄພໃຫ້ກອງທະຫານຮັກສາຄວາມປອດໄພຂອງອີຣັກແລະຫຼຸດຈຳນວນທະຫານທີ່ປະຈຳຢູ່ອີຣັກໃຫ້ໜ້ອຍລົງ.
ນອກນີ້, ສື່ມວນຊົນອັງກິດເຜີຍໃຫ້ຮູ້ວ່າ, ທຳອິດ, ທ່ານແບຼຈະປະກາດຖອນທະຫານ 1500 ຄົນອອກຈາກອີຣັກ, ກ່ອນທ້າຍປີນີ້, ຈະຖອນອີກ 1500 ຄົນ. ຮອດທ້າຍປີໜ້າ, ຈະຖອນທະຫານ 7 ພັນກວ່າຄົນທີ່ປະຈຳຢູ່ອີຣັກອອກໝົດ.
|
|
