|
ບົດລາຍງານການຄົ້ນຄວ້າຂອງສະຫະພາບເອີລົບກ່າວວ່າ, ການສົ່ງສິນຄ້າເຂົ້າຈີນມີໂອກາດອັນໃຫຍ່ຫຼວງ
cri
Author: mo
ຕາມຂ່າວສານຊີນຮວາ: ບົດລາຍງານການຄົ້ນຄວ້າສະບັບໜຶ່ງຂອງຄະນະກຳມາທິການສະຫະພາບເອີລົບທີ່ປະກາດໃນວັນທີ 20 ກຸມພານີ້ຊີ້ອອກວ່າ, ວິສາຫະກິດຂອງສະຫະພາບເອີລົບຈະມີໂອກາດຫຼວງຫຼາຍໃນການສົ່ງສິນຄ້າຂາຍໃຫ້ຈີນ, ໂດຍສະເພາະແມ່ນ 3 ຂົງເຂດໃຫຍ່ຄື ສິນຄ້າໄຮເຕັກ ການບໍລິການການຄ້າ ແລະເຕັກນິກອະນຸລັກສິ່ງແວດລ້ອມ.
ໃນບົດລາຍງານສະບັບນີ້ທີ່ມີຫົວຂໍ້ວ່າ"ການຄົ້ນຄວ້າໂອກາດແລະການທ້າທາຍຂອງການພົວພັນການຄ້າແລະການລົງທຶນລະຫວ່າງເອີລົບຈີນແຕ່ປີ 2006 ຫາປີ 2010", ນັກຄົ້ນຄວ້າຂອງສະຫະພາບເອີລົບໄດ້ປະເມີນອະນາຄົດຂອງຕະຫຼາດໃນ 12 ຂະແໜງການສຳຄັນຂອງຈີນເຊັ່ນກົນຈັກ ອຸດສາຫະກຳເຄມີ ລົດຍົນ ການກໍ່ສ້າງ ແລະການບໍລິການເປັນຕົ້ນ, ແລະໄດ້ຊີ້ບອກສາມຂົງເຂດໃຫຍ່ທີ່ມີຄຸນຄ່າກວ່າໝູ່ໃຫ້ວິສາຫະກິດສະຫະພາບເອີລົບ. ບົດລາຍງານກະວ່າ, ຮອດປີ 2010, ຕະຫຼາດສິນຄ້າໄຮເຕັກຂອງຈີນຈະມີຂະໜາດໃຫຍ່ເຖິງ 1 ພັນຕື້ເອີໂລ.
ບົດລາຍງານຊີ້ອອກວ່າ, ເພື່ອໃຫ້ເສດຖະກິດພັດທະນາແບບຍືນຍົງ, ລັດຖະບານຈີນຈະນຳເຂົ້າເຕັກນິກອະນຸລັກສິ່ງແວດລ້ອມທີ່ກ້າວໜ້າ, ກະວ່າ, ຮອດປີ 2010, ຕະຫຼາດດັ່ງກ່າວຈະຂະຫຍາຍຮອດ 98 ຕື້ເອີໂລ. ສ່ວນໃນດ້ານເຕັກນິກອະນຸລັກສິ່ງແວດລ້ອມ, ເມື່ອໄດ້ສະສົມມາຫຼາຍປີ, ສະຫະພາບເອີລົບໄດ້ມີທ່າແຮງຫຼາຍສົມຄວນແລ້ວ.
|
|
