|
|
 |
| (GMT+08:00)
2007-02-22 16:59:33
|
 |
|
ທ່ານແບຼປະກາດວ່າອັງກິດຈະຫຼຸດຈຳນວນທະຫານທີ່ປະຈຳຢູ່ອີຣັກ
cri
Author: mo
ຕາມຂ່າວCRI: ວັນທີ 21 ກຸມພານີ້, ທ່ານໂທນີ ແບຼ ນາຍົກລັດຖະມົນຕີອັງກິດປະກາດວ່າ, ລັດຖະບານອັງກິດຕົກລົງຈະຫຼຸດຈຳນວນທະຫານທີ່ປະຈຳຢູ່ອີຣັກຈາກ 7100 ຄົນລົງຮອດ 5500 ຄົນພາຍໃນບໍ່ທໍ່ໃດເດືອນຂ້າງໜ້າ.
ຫຼັງຈາກນັ້ນ, ນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ກ່າວຢູ່ແບກແລງວ່າ ເຖິງວ່າລັດຖະບານອັງກິດປະກາດຈະຖອນທະຫານສ່ວນໜຶ່ງອອກຈາກອີຣັກກໍຕາມ, ແຕ່ກອງທະຫານນາໆຊາດປະຈຳອີຣັກທີ່ນຳໂດຍອາເມລິການັ້ນຈະບໍ່ຖືກກະທົບກະເທືອນຫຍັງ.
ມື້ດຽວກັນ, ຢູ່ໂກເປັນຮາກ ທ່ານອັນເດີສ໌ ຟອກ ລາສ໌ມູເຊັນ ນາຍົກລັດຖະມົນຕີດານມາກກໍປະກາດວ່າ, ທະຫານດານມາກ 460 ຄົນທີ່ປະຈຳຢູ່ອີຣັກ ຈະຖອນອອກຈາກອີຣັກກ່ອນເດືອນສິງຫາປີນີ້. ແຕ່ໃນມື້ດຽວກັນ, ລັດຖະສະພາບູນກາຣີພັດອະນຸມັດຍັດຕິທີ່ໃຫ້ກອງທະຫານບຸນກາຣີປະຈຳອີຣັກຕໍ່ເວລາປະຈຳອີກປີໜຶ່ງ. ລັດຖະມົນຕີວ່າການກະຊວງປ້ອງກັນປະເທດຣູມານີກໍກ່າວວ່າ, ຣູມານີຈະສືບຕໍ່ປະຕິບັດຄຳໝັ້ນສັນຍາຕໍ່ກອງທະຫານນາໆຊາດທີ່ປະຈຳອີຣັກ.
|
|
|
