|
ເຮືອບັກລຳໜຶ່ງຂອງອິນໂດເນເຊຍເກີດໄຟໄໝ້, ຢ່າງໜ້ອຍເຮັດໃຫ້ 8 ຄົນເສຍຊີວິດ
cri
Author: mo
ຕາມຂ່າວສານຊີນຮວາ: ວັນທີ 22 ກຸມພານີ້, ທະຫານເຮືອອິນໂດເນເຊຍກ່າວວ່າ, ຕອນຂອນແຈ້ງມື້ດຽວກັນ, ເຮືອບັກລຳໜຶ່ງຂອງອິນໂດເນເຊຍທີ່ແລ່ນຈາກນະຄອນຫຼວງຢາກາກຕາໄປຫາເກາະບັງກາອອກເດີນທາງບໍ່ດົນກໍເກີດໄຟໄໝ້, ຢ່າງໜ້ອຍເຮັດໃຫ້ 8 ຄົນເສຍຊີວິດ.
ຕາມຂ່າວຈາກທະຫານເຮືອອິນໂດເນເຊຍກ່າວວ່າ, ເຮືອບັກນີ້ມີຜູ້ໂດຍສານປະມານ 350 ຄົນ. ປັດຈຸບັນ, ໄດ້ມີຜູ້ໂດຍສານ 211 ຄົນແລະລູກເຮືອ 15 ຄົນໄດ້ຮັບການກອບກູ້ແລ້ວ.
ຕາມໄດ້ຊາບ, ພາຍຫຼັງທະຫານເຮືອອິນໂດເນເຊຍຮູ້ຂ່າວວ່າເຮືອບັກເກີດໄຟໄໝ້ແລ້ວ, ກໍໄດ້ແຕ່ງກ່ຳປັ່ນທະຫານ 5 ລຳແລະຍົນຫຼາຍລຳໄປກອບກູ້ຢູ່ເຂດທະເລທີ່ເກີດເຫດຢ່າງວ່ອງໄວ. ປັດຈຸບັນ, ຍັງບໍ່ຮູ້ສາເຫດເກີດໄຟໄໝ້ເທື່ອ.
|
|
