|
ກອງປະກອບອາວຸດຕ້ານອາເມລິກາຂອງອີຣັກກ່າວວ່າຈະເພີ່ມທະວີການໂຈມຕີທະຫານອາເມລິກາແລະທະຫານລັດຖະບານອີຣັກ
cri
Author: mo
ຕາມຂ່າວສານຊີນຮວາ: ວັນທີ 22 ກຸມພານີ້, 3 ອົງການປະກອບອາວຸດຕ້ານອາເມລິກາຂອງອີຣັກຄືອົງການອານເຄດາສາຂາອີຣັກ ປະເທດອິສລາມອີຣັກ ແລະທະຫານເດີ ມາເຮີດີນິກາຍຊີອະໄດ້ອອກຖະແຫຼງການຜ່ານອິນເຕີເນັດ, ໂດຍກ່າວວ່າຈະເພີ່ມທະວີການບຸກໂຈມຕີທະຫານອາເມລິກາປະຈຳອີຣັກແລະທະຫານລັດຖະບານອີຣັກ.
ປັດຈຸບັນ, ຖະແຫຼງການທັງ 3 ດັ່ງກ່າວແມ່ນແທ້ຫຼືປອມຍັງບໍ່ສາມາດຢືນຢັນໄດ້ເທື່ອ.
ນອກນີ້, ວັນທີ 22 ກຸມພານີ້, ສື່ມວນຊົນອາເມລິກາແຈ້ງຂ່າວວ່າ, ເພື່ອຕອບສະໜອງຄວາມຕ້ອງການໃນແຜນການສົ່ງທະຫານໄປເພີ່ມຢູ່ອີຣັກຂອງທ່ານຈອດ ບຸສ ປະທານາທິບໍດີອາເມລິກາ, ກະຊວງປ້ອງກັນປະເທດອາເມລິກາມີແຜນການຈະສົ່ງສະມາຊິກກອງປ້ອງກັນແຫ່ງຊາດປະມານ 1 ໝື່ນ 4 ພັນຄົນໄປອີຣັກໃນຕົ້ນປີໜ້າ.
|
|
