|
|
 |
| (GMT+08:00)
2007-02-25 17:29:37
|
|
ການເຈລະຈາລະຫວ່າງອິສຣາແອນກັບປາເລັສຕີນກ່ຽວກັບບັນຫາປ່ອຍຕົວທະຫານທີ່ຖືກລັກພາຕົວໄດ້ຮັບຄວາມຄືບໜ້າ
cri
Author: da
ຕາມຂ່າວCRI: ວັນທີ 24 ກຸມພານີ້ ໂທລະພາບຊ່ອງ 10 ຂອງອິສຣາແອນລາຍງານວ່າ,ການເຈລະຈາລະຫວ່າງອິສຣາແອນກັບປາເລັສຕີນກ່ຽວກັບການປ່ອຍຕົວທ້າວຈີລັດ ຊາລິດ ທະຫານອິສຣາແອນທີ່ຖືກກອງປະກອບອາວຸດປາເລັສຕີນລັກພາຕົວໃນປີກາຍນີ້ໄດ້ຮັບຄວາມຄືບໜ້າ.
ຕາມຂ່າວແຈ້ງວ່າ,ໃນ 10 ກວ່າມື້ກ່ອນ ຜູ່ແທນຂອງອິສຣາແອນກັບປາເລັສຕີນກໍ່ໄດ້ຜ່ອນສັ້ນຜ່ອນຍາວກ່ຽວກັບບັນຫາດັ່ງກ່າວນີ້ແລ້ວ,ອິສຣານແອນເຫັນດີປ່ອຍຕົວຊາວປາເລັສຕີນຫຼາຍຮ້ອຍຄົນທີ່ຖືກຄຸມຂັງ,ເພື່ອເປັນການແລກປ່ຽນ,ຝ່າຍປາເລັສຕີນຈະປ່ອຍຕົວທ້າວຊາລິດ.
ນອກນີ້ ໂທລະພາບຊ່ອງ 2 ຂອງອິສຣາແອນລາຍງານວ່າ,ປາເລັສຕີນຈະສະໜອງລາຍຊື່ທີ່ຮຽກຮ້ອງໃຫ້ອິສຣາແອນປ່ອຍຕົວນັ້ນສະບັບໜຶ່ງ. ຫຼັງຈາກນັ້ນ ປາເລັສຕີນກັບອິສຣາແອນຈະຫາລືລາຍຊື່ສະບັບນີ້,ກະວ່າ ການປຶກສາຫາລືກັນຈະຍືດເຍືອເປັນເວລາຫຼາຍອາທິດ.
|
|
|
