|
ຕາມຂ່າວສານຊິນຮວາ:ວັນທີ24ກຸມພານີ້,ຢູ່ທີ່ຢາກາຕາ,ທ່ານຊູຊີໂລ ບຳບາງຢູໂດໂຢໂນ ປະທານາທິບໍດີອິນໂດເນເຊຍໄດ້ເຂົ້າຮ່ວມງານສະຫຼອງບຸນກຸດຈີນປີ2007,ອວຍພອນປີໃໝ່ຕໍ່ຊາວຈີນຢູ່ທົ່ວປະເທດອິນໂດເນເຊຍ,ແລະຊີ້ອອກວ່າຊົນເຜົ່າຈີນແມ່ນພາກສ່ວນໜຶ່ງທີ່ແຍກອອກບໍ່ໄດ້ຂອງອິນໂດເນເຊຍທີ່ເປັນປະເທດຫຼາຍຊົນເຜົ່າ.
ທ່ານຊູຊີໂລກ່າວວ່າ,ຊົນເຜົ່າຕ່າງໆແລະ ການເຊື່ອຖືສາສະໜາຕ່າງໆຄົງຕົວຢູ່ນຳກັນຢ່າງກົມກຽວກັນແມ່ນທັດສະນະຄະຕິແກນກາງຂອງການສ້າງຕັ້ງປະເທດອິນໂດເນເຊຍ.ພົນລະເມືອງອິນໂດເນເຊຍທັງໝົດລ້ວນແຕ່ມີສິດທິແລະພັນທະອັນສະເໝີພາບທີ່ລັດຖະທຳມະນູນມອບໝາຍໃຫ້,ອິນໂດເນເຊຍບໍ່ຄວນມີການຈຳແນກພົນລະເມືອງດັ້ງເດີມແລະພົນລະເມືອງບໍ່ແມ່ນດັ້ງເດີມອີກ,ແລະບໍ່ອະນຸຍາດໃຫ້ມີການດູໝິ່ນ,ການປະຕິບັດຕໍ່ຢ່າງບໍ່ທ່ຽງທຳແລະການສົງໄສເຊິ່ງກັນແລະກັນອີກ.
ທ່ານຊູຊີໂລຊີ້ອອກເປັນພິເສດວ່າ,ບໍ່ວ່າຢູ່ພາກສ່ວນສາທາລະນະແຫ່ງຊາດຫຼືວ່າຢູ່ພາດສ່ວນເອກະຊົນ,ຊາວຈີນກໍ່ໄດ້ປະກອບສ່ວນຢ່າງມະຫາສານເຂົ້າໃນການພັດທະນາຂອງອິນໂດເນເຊຍ.ທ່ານກ່າວວ່າຍິນດີພ້ອມກັນກັບຊົນເຜົ່າຈີນແລະຊົນເຜົ່າອື່ນໆ,ສ້າງສາອິນໂດເນເຊຍທີ່ກົມກຽວກັນ,ຈະເລີນຮຸ່ງເຮືອງແລະປະຊາທິປະໄຕ.
ປີ2000,ລັດຖະບານອິນໂດເນເຊຍໄດ້ຍົກເລີກນະໂຍບາຍທີຫ້າມບໍ່ໃຫ້ໃຊ້ພາສາຈີນແລະສະຫຼອງບຸນກຸດຈີນ.ມາຮອດປີນີ້,ຊາວຈີນຢູ່ອິດໂນເນເຊຍໄດ້ຈັດງານສະຫຼອງບຸນກຸດຈີນ8ຄັ້ງຢ່າງລຽນຕິດແລ້ວ.
|
