|
|
 |
| (GMT+08:00)
2007-02-26 18:44:49
|
 |
|
ທະຫານອິສຣາແອນລ່ວງລ້ຳເຂົ້ານາບຼຸສຢ່າງຂະໜາດໃຫຍ່ ຈັບຊາວປາເລັສຕີນຫຼາຍຄົນ
cri
Author: da
ຕາມຂ່າວສານຊິນຮວາ:ຕອນຮຸ່ງເຊົ້າວັນທີ 25 ກຸມພາ ທະຫານອິສຣາແອນ ລ່ວງລ້ຳເຂົ້ານາບຼຸສ ເມືອງຝັ່ງຕາເວັນຕົກແມ່ນ້ຳຈໍແດນຢ່າງຂະໜາດໃຫຍ່,ຈັບຊາວປາເລັສຕີນຢ່າງໜ້ອຍ 25 ຄົນ,ຖືກຝ່າຍປາເລັສຕີນກ່າວປະນາມຢ່າງຮຸນແຮງ.
ຕາມສື່ມວນຊົນທ້ອງຖິ່ນລາຍງານວ່າ, ຕອນຮຸ່ງເຊົ້າປະມານ 3 ໂມງ ທະຫານອິສຣາແອນຫຼາຍຮ້ອຍຄົນຂີ່ລົດຫຸ້ມເກາະເຂົ້າສູ່ເຂດເທດສະບານນາບຼຸສ,ປິດທາງສາຍຕົ້ນຕໍທີ່ເນັ່ງໄປສູ່ພາຍນອກຢ່າງວ່ອງໄວ,ແລະປະກາດວ່າຫ້າມສັນຈອນໃນກາງຄືນຢູ່ບາງເຂດຂອງນາບຼຸສ.
ໂຄສົກຝ່າຍທະຫານອິສຣາແອນກ່າວວ່າ,ຈຸດປະສົງຂອງການເຄື່ອນໄຫວທາງການທະຫານເທື່ອນີ້ແມ່ນ"ລົບລ້າງທີ່ໝັ້ນຂອງພວກກໍ່ການຮ້າຍຢູ່ໃນເມືອງນາບຼຸສ".
ຫ້ອງການຂອງທ່ານອາບາສ ປະທານອົງການອຳນາດແຫ່ງຊາດປາເລັສຕີນອອກຖະແຫຼງການຊີ້ອອກວ່າ,ການຮຸກຮານຢ່າງປ່າເຖື່ອນຂອງອິສຣາແອນຕໍ່ນາບຼຸສຈະຂົ່ມຂູ່ເຖິງຂະບວນການສັນຕິພາບຕາເວັນອອກກາງ.
ນີ້ແມ່ນການເຄື່ອນໄຫວທາງການທະຫານທີ່ມີຂະໜາດໃຫຍ່ກວ່າໝູ່ຂອງຝ່າຍອິສຣາແອນຢູ່ຝັ່ງຕາເວັນຕົກແມ່ນ້ຳຈໍແດນໃນຫຼາຍເດືອນມານີ້.
|
|
|
