|
ຕາມຂ່າວCRI:ວັນທີ26ກຸມພານີ້,ກະຊວງສາທາລະນະສຸກລາວຢືນຢັນວ່າ,ໄດ້ພົບ ຜູ້ຖືກສົງໄສເປັນພະຍາດໄຂ້ຫວັດສັດປີກຜູ້ທຳອິດຢູ່ລາວ.
ມື້ດຽວກັນ,ວິທະຍຸວຽງຈັນຂອງລາວລາຍງານວ່າ,ປະກາດແຈ້ງຂ່າວຂອງກະຊວງສາທາລະນະສຸກລາວຂຽນວ່າ,ຜູ້ສາວອາຍຸ15ປີຜູ້ໜຶ່ງທີ່ເຮັດວຽກຢູ່ຟາມລ້ຽງໄກ່ຊານເມືອງນະຄອນຫຼວງວຽງຈັນຖືກສົງໄສຕິດເຊື້ອພະຍາດໄຂ້ຫວັດສັດປີກແບບH5.ໃນເດືອນມັງກອນປີນີ້,ຟາມລ້ຽງໄກ່ແຫ່ງນີ້ເຄີຍມີໄກ່ຕິດເຊື້ອພະຍາດໄຂ້ຫວັດສັດປີກ.ປັດຈຸບັນ,ຜູ້ສາວຜູ້ນີ້ໄດ້ຖືກສົ່ງໄປໂຮງໝໍຂອງໄທເພື່ອສັງເກດຕໍ່ໄປ.
ປະເທດອາຊີອາຄະເນແມ່ນເຂດປະສົບໄຂ້ຫວັດສັດປີກຢ່າງຮ້າຍແຮງ,ລາວກໍ່ເຄີຍເກີດເຫດການສັດປີກຕິດເຊື້ອພະຍາດໄຂ້ຫວັດສັດປີກຫຼາຍລາຍ,ແຕ່ບໍ່ເຄີຍມີຄົນຕິດເຊື້ອພະຍາດໄຂ້ຫວັດສັດປີກ.ປັດຈຸບັນ,ກະຊວງສາທາລະນະສຸກລາວໄດ້ກຳນົດເຂດອ້ອມຂ້າງຟາມລ້ຽງໄກ່ແຫ່ງນີ້ເປັນ"ເຂດລະມັດລະມັງສີແດງ",ເພິ່ມທະວີການດັບເຊື້ອຕໍ່ສັດປີກ,ປ້ອງກັນຢ່າງເຄັ່ງຄັດບໍ່ໃຫ້ເຊື້ອພະຍາດແຜ່ລະບາດ.
|
