ຕາມ​ຂ່າວCRI:ວັນ​ທີ28​ກຸມພາ​ນີ້,ທ່ານ​ປະຣີດິຍາ​ທອນ ​ເທວະ​ກຸນ ຮອງ​ນາຍົກລັດຖະມົນຕີທັງ​ເປັນ​ລັດຖະມົນຕີ​ວ່າການ​ກະ​ຊວງ​ການ​ເງິນ​ໄທ​​ໄດ້ປະກາດ ລາ​ອອກ​ຈາ​ກຕຳ​ແໜ່​ງ.

ທ່ານ​ປະຣີດິຍາ​ທອນ​ແມ່ນ​ປະກາດ​ການ​ຕັດສິນ​ໃຈ​ດັ່ງກ່າວ​ໃນ​ກອງ​ປະຊຸມ​ຂ່າວ​ທີ່​ຈັດ​ຂຶ້ນຢູ່​ບາງກອກ​ໃນ​ຕອນ​ເຊົ້າ​ມື້​ດຽວ​ກັນ.ທ່ານ​ກ່າວ​ວ່າ,ລັດຖະ​ບານ​ເຊື້ອ​ເຊີນອະດີດ​ສະມາຊິກ​ລັດຖະ​ບານຊຸດ​ກ່ອນ​ມາຊ່ອຍ​ເຫຼືອ​ວຽກ​ງານ,ລັດຖະມົນຕີ​ບາງ​ຄົນ​ໃນ​ລັດຖະ​ບານ​ຊຸດ​ປັດຈຸບັນ​ດູ​ແລ​ສະມາຊິກ​ຂອງລັດ​ຖະບາ​ນຊຸດ​ກ່ອນ​ພ້ອມ​ທັງ​ການ​ສູ້​ຊົນ​ດ້ານ​ຜົນ​ປະ​ໂຫຍ​ດຂອງສື່​ມວນ​ຊົນ​ຈຳນວນ​ໜຶ່ງ​ແມ່ນສາ​ເຫດ​ຕົ້ນ​ຕໍ່​ທີ່​ເຮັດ​ໃຫ້​ທ່ານ​ຕັດສິນ​ໃຈລາ​ອອກ​ຈາກ​ຕຳ​ແໜ່​ງ.ທ່ານ​ເຜີຍ​ໃຫ້​ຮູ້​ວ່າ,ພົນ​ເອກ​ສຸລະ​ຍຸດ ຈຸລາ​ນົນ ນາຍົກ​ລັດ​ຖະມົນຕີ​ໄທ​ໄດ້​ເຫັນ​ດີ​ນຳໃບ​ຂໍ​ລາ​ອອກ​ຈາກ​ຕຳ​ແໜ່​ງຂອງ​ທ່ານ,ການ​ຂໍ​ລາ​ອອກ​ຈາກ​ຕຳ​ແໜ່​ງຈະມີ​ຜົນສັດ​ສິດ​ແຕ່ໃນ​ວັນ​ທີ1​​ມີນາ​ເປັນ​ຕົ້ນ​ໄປ.

ນອກ​ນັ້ນ,ຂ່າວ​ແຈ້ງວ່າ,ວັນ​ທີ27​ກຸມ​ພາ​ນີ້,ຢູ່​ທີ່​ໂຕກ​ຽວ,ທ່ານ​ນິດ ພິບູນ​ສົງ​ຄາມ ລັດຖະ​ມົນ​ຕີ​ວ່າ​ການ​ກະຊວງ​ການ​ຕ່າງປະ​ເທດ​ໄທ​ທີ່​ພວມ​ຢ້ຽມຢາມ​ຍີ່ປຸ່ນ​ກ່າວ​ວ່າ,​ໄທ​ຈະ​ຈັດການ​ເລືອກຕັ້ງ​ທົ່ວ​ໄປທີ່​ມີ​ປະຊາ​ທິປະ​ໄຕ​ແລະ​ຍຸດຕິ​ທຳ​ກ່ອນ​ທ້າຍ​ປີ​ນີ້,​​ເພື່ອ​ເລືອກ​ຕັ້ງລັດ​ຖະບານ​ຊຸດໃໝ່​ແລະ​ນາຍົກ​ລັດ​ຖະ​ມົນຕີ​ຜູ້​ໃໝ່.

ຫຼັງຈາກ​​ໄດ້​ເກີດການ​ລັດຖະ​ປະຫານ​ໃນ​ເດືອນກັນຍາ​ປີ​ກາຍ​ນີ້,​ໄທ​ຍັງ​ບໍ່​ໄດ້​ຈັດການ​ເລືອກຕັ້ງ​ທົ່ວ​ໄປ,ວຽກ​ງານ​ສ້າງ​ລັດຖະ​ທຳ​ມະນູນ​ກໍ່ພວມ​ດຳ​ເນີນ​ຢູ່.