|
|
 |
| (GMT+08:00)
2007-02-28 19:26:59
|
 |
|
ນາຍົກລັດຖະມົນຕີໄທພົບປະທ່ານຖາງເຈ່ຍສວນ
cri
ຕາມຂ່າວCRI,ວັນທີ27ກຸມພານີ້,ຢູ່ທີ່ບາງກອກ,ພົນເອກສຸລະຍຸດ ຈຸລານົນ ນາຍົກລັດຖະມົນຕີໄທໄດ້ພົບປະທ່ານຖາງເຈ່ຍສວນ ທີ່ປຶກສາແຫ່ງລັດຈີນທີ່ພວມຢ້ຽມຢາມໄທ.
ພົນເອກສຸລະຍຸດ ກ່າວວ່າ,ລະຫວ່າງໄທຈີນມີການພົວພັນຮ່ວມມືທີ່ສະໜິດແໜ້ນ ໝັ້ນທ່ຽງແລະຮອບດ້ານ,ມິດຕະພາບໄທຈີນແມ່ນໝັ້ນຄົງຖາວອນ.ທ່ານຂອບໃຈນຳຝ່າຍຈີນທີ່ໃຫ້ການສະໜັບສະໜູນແກ່ລັດຖະບານໄທຊຸດປັດຈຸບັນແລະກ່າວວ່າທ່ານຄອງຄອຍຈະຢ້ຽມຢາມຈີນໂດຍໄວ.
ທ່ານຖາງເຈ່ຍສວນກ່າວວ່າ,ຈີນໄທເກາະແຂນຮ່ວມມືກັນບໍ່ພຽງແຕ່ຈະສ້າງຄວາມຜາສຸກໃຫ້ແກ່ປະຊາຊົນສອງຊາດເທົ່ານັ້ນ,ພ້ອມກັນນັ້ນກໍຍັງໄດ້ປະກອບສ່ວນອັນສຳຄັນເຂົ້າໃນສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນແຫ່ງນີ້.ທ່ານຖາງເຈ່ຍສວນກ່າວເນັ້ນວ່າ:ບໍ່ວ່າສະພາບສາກົນຈະປ່ຽນແປງແນວໃດ,ທິດທາງນະໂຍບາຍຂອງຈີນທີ່ມີຕໍ່ມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນໄທຈະບໍ່ມີການປ່ຽນແປງ.
|
|
|
