|
|
 |
| (GMT+08:00)
2007-03-01 18:10:59
|
 |
|
ອາເມລິກາບໍ່ໄດ້ປ່ຽນແປງຫຼັກໝັ້ນຕໍ່ອີຣານແລະຊີຣີ
cri
Author: li
ຕາມຂ່າວ CRI: ວັນທີ 28 ກຸມພາແລ້ວນີ້ ທ່ານໂທນີ ສະໂນ ໂຄສົກທຳນຽບຂາວອາເມລິກາເວົ້າວ່າ,ເຖິງວ່າອາເມລິກາເຫັນດີພ້ອມກັນກັບອີຣານແລະຊີຣີເຂົ້າຮ່ວມກອງປະຊຸມສາກົນກ່ຽວກັບບັນຫາອີຣັກທີ່ຈັດຂຶ້ນຢູ່ແບັກແດັດໃນວັນທີ 10 ມີນານີ້ກໍຕາມ,ແຕ່ນີ້ບໍ່ໝາຍຄວາມວ່າອາເມລິກາຈະປ່ຽນແປງຫຼັກໝັ້ນຕໍ່ສອງປະເທດດັ່ງກ່າວ.
ກ່ອນນີ້ມື້ໜຶ່ງ,ທ່ານນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາປະກາດວ່າ,ອາເມລິກາຈະເຂົ້າຮ່ວມກອງປະຊຸມສາກົນກ່ຽວກັບບັນຫາອີຣັກ,ແລະສະໜັບສະໜູນລັດຖະບານອີຣັກເຊື້ອເຊີນອີຣານແລະຊີຣີເຂົ້າຮ່ວມກອງປະຊຸມ. ຫາງສຽງສາກົນມີຄວາມເຫັນໂດຍທົ່ວໄປວ່າ,ນີ້ແມ່ນລັດຖະບານບຸສມີການປ່ຽນແປງຢ່າງໃຫຍ່ຫຼວງຕໍ່ຫຼັກໝັ້ນທີ່ບໍ່ເຈລະຈາໂດຍກົງກັບອີຣານກ່ຽວກັບບັນຫາອີຣັກໃນຫຼາຍເດືອນມານີ້.
ວັນທີ 28 ກຸມພາແລ້ວນີ້ ທ່ານອາລີ ລາຣີຈານີ ເລຂາທິການຄະນະກຳມະການຄວາມປອດໄພສູງສຸດແຫ່ງຊາດອີຣານກ່າວວ່າ,ອີຣານສະໜັບສະໜູນຄວາມພະຍາຍາມທຸກຢ່າງທີ່ໝາຍຈະແກ້ໄຂບັນຫາອີຣັກ. ກະຊວງການຕ່າງປະເທດຊີຣີອອກຖະແຫຼງການວ່າ,ອາເມລິກາແລະຊີຣີເຈລະຈາກັນກ່ຽວກັບບັນຫາອີຣັກແມ່ນຢ່ວງບາດກ້າວໄປສູ່ທິດທີ່ຖືກຕ້ອງ.
ປັດຈຸບັນປະເທດອ້ອມຂ້າງຂອງອີຣັກເຊິ່ງລວມທັງອີຣານແລະຊີຣີລ້ວນແຕ່ເຫັນດີເຂົ້າຮ່ວມກອງປະຊຸມສາກົນກ່ຽວກັບບັນຫາອີຣັກເທື່ອນີ້. ນອກນີ້,ລັດຖະບານອີຣັກທີ່ເປັນເຈົ້າພາບຍັງໄດ້ເຊື້ອເຊີນຜູ້ແທນຂອງບາງປະເທດມຸສລິມທີ່ສຳຄັນແລະຂອງ 5 ປະເທດມົນຕີຖາວອນສະພາຄວາມໝັ້ນຄົງສະຫະປະຊາຊາດເຂົ້າຮ່ວມກອງປະຊຸມ.
|
|
|
