|
ປະທານາທິບໍດີອິນໂດເນເຊຍກ່າວວ່າ, ຈະກຳໂອກາດພັດທະນາພ້ອມກັນກັບຈີນ
cri
Author: m
ຕາມຂ່າວ CRI: ວັນທີ 5 ມີນານີ້, ຢູ່ຢາກາຕາ, ທ່ານຊູຊີໂລ ປະທານາທິບໍດີອິນໂດເນເຊຍກ່າວວ່າ, ການພັດທະນາເສດຖະກິດຂອງຈີນໄດ້ກາຍເປັນກຳລັງດັນອັນສຳຄັນຂອງການພັດທະນາພາກພື້ນອາຊີປາຊິຟິກແລ້ວ. ອິນໂດເນເຊຍຄວນກຳໂອກາດ, ພັດທະນາພ້ອມກັນກັບຈີນ.
ທ່ານຊູຊີໂລເວົ້າວ່າ, ລັດຖະບານອິນໂດເນເຊຍກັບລັດຖະບານຈີນໄດ້ເຊັນຖະແຫຼງການກ່ຽວກັບການພົວພັນຄູ່ຍຸດທະສາດ, ສອງຝ່າຍໄດ້ດຳເນີນການຮ່ວມມືໃນດ້ານຕ່າງໆ, ເຊັ່ນ: ການລົງທຶນ, ການຄ້າ, ການທ່ອງທ່ຽວແລະວັດທະນະທຳເປັນຕົ້ນ. ທ່ານຊູຊີໂລເວົ້າວ່າ, ສອງຝ່າຍມີແຜນຈະໃຫ້ບໍລິມາດການຄ້າຂອງສອງຝ່າຍບັນລຸ 30 ຕື້ໂດລາໃນປີ 2010, ທ່ານເຊື່ອວ່າ, ເປົ້າໝາຍນີ້ຈະບັນລຸຜົນເປັນຈິງໄດ້ຢ່າງແນ່ນອນ.
|
|
