ຕາມ​ຂ່າວCRI:ວັນ​ທີ7​ມີນາ​ນີ້,ທ່ານ​ບາ​ມບາງ ຊູ​ຊານ​ໂຕ ​ເຈົ້າ​ໜ້າ​ທີ່​ລະດັບ​ແຂວງ​ຂອງ​ອິນ​ໂດ​ເນ​ເຊຍ​ຢືນ​ຢັນ​ວ່າ,​ໃນ​ອຸປະຕິ​ເຫດຍົນ​ໂດຍສານ​ລະ​ເບີດ​ທີ່​ເກີດ​ຂຶ້ນຢູ່ສະໜາມ​ບິນ​ຢົກຢາ​ກາ​ຕານັ້ນ,ປັດຈຸ​ບັນ,ມີ49​ຄົນ​ເສຍ​ຊີວິດ,91ຄົນ​ລອດ​ຊີວິດ.

ເວລາ7​ໂມງ​ຕາມ​ເວລາ​ທ້ອງ​ຖິ່ນ,ຍົນ​ໂດຍສານໂບ​ອິງ737-400​​​ບິນ​ຈາກ​ນະຄອນ​ຫຼວງ​ຈາ​ກາ​ຕາ​ໄປ​ສູ່​ຢົກຢາ​ກາຕາ​ລຳ​ໜຶ່ງ​ຂອງ​ສາຍການ​ບິນ​ກາຣູດາ​ຂອງ​ອິນ​ໂດ​ເນ​ເຊຍ,​​ໃນ​ເວລາ​ທີ່​ກຳລັງ​ແລ່ນລົງ​ຈອດ​ຢູ່​ສະໜາມ​ບິນ​ຢົກຢາ​ກາ​ດາ ພາ​ກກາງ​ອິນ​ໂດ​ເນ​ເຊຍ,​ກໍ່ໄດ້​​ເກີດ​ໄຟ​ໄໝ້ຂຶ້ນ​ຢ່າງ​ກະທັນຫັນ.​ໃນ​ຍົນ​ໂດຍສານ​ດັ່ງກ່າວ​ມີ​ຜູ້​ໂດຍສານ133​ຄົນ​ແລະພະ​ນັກງານ​ການ​ບິນ7​ຄົນ.

ຜູ້​ເຫັນ​ເຫດການ​ບອກ​ວ່າ,ກ່ອນ​ລົງ​ຈອດ,​ຍົນ​ໂດຍສານ​ກໍ່​​ໄດ້​ບິນ​​ແບບ​ຜິດ​ປົກກະ​ຕິແລ້ວ,ຫຼັງ​ຈາກ​ລໍ້​ແຕະ​ພື້ນ,ຍົນ​ໄດ້​ແລ່ນ​ອອກ​ຈາກ​ທາງ​ແລ່ນ,​ໄປຕຳຮົ້ວ​ຂອງ​ສະໜາມ​ບິນ,​​ແລ້ວ​ໄດ້​ລະ​ເບີດຂຶ້ນ.

ປັດຈຸບັນ,ຜູ້​ລອດ​ຊີວິດພວມ​ໄດ້ຮັບ​ການປິ່ນປົວ​ຢູ່​ໂຮງໝໍ​ຢົກຢາ​ກາ​ຕາ.

ເມື່ອ​ອຸປະຕິ​ເຫດ​ໄດ້​ເກີດ​ຂຶ້ນ​​ແລ້ວ,ທ່ານ​ຈອນ ​ໂຮ​ເວີດ ນາຍົກ​ລັດ ຖະມົນຕີ ອົສຕຼາລີ​ກ່າວ ວ່າ,​ໃນ​ຍົນ​ທີ່​ເກີດ​ອຸປະຕິ​ເຫດ​ນັ້ນ​ມີ​ເຈົ້າ​ໜ້າ​ທີ່​ແລະ​ນັກ​ຂ່າວ​ອົສຕຼາລີ10​ຄົນ.