|
ແອບສີດຳຂອງຍົນໂດຍສານອິນໂດເນເຊຍທີ່ເກີດເຫດຊອກພົບແລ້ວ
cri
Author: mo
ຕາມຂ່າວສານຊີນຮວາ: ວັນທີ 8 ມີນານີ້, ທ່ານຮາດາ ລາຈາຊາ ລັດຖະມົນຕີວ່າການກະຊວງຄົມມະນາຄົມອິນໂດເນເຊຍປະກາດວ່າ, ຜູ້ຊ່ຽວຊານຂອງຄະນະກຳມະການຄວາມປອດໄພດ້ານຄົມມະນາຄົມແຫ່ງຊາດໄດ້ຊອກພົບແອບສີດຳສອງໜ່ວຍຂອງຍົນໂດຍສານບໍລິສັດການບິນກາຣູດາທີ່ເກີດໄຟໄໝ້ໃນເວລາລົງຈອດເດີ່ນຍົນຢົກຢາກາກຕາໃນຫວ່າງມໍ່ໆນີ້, ແລະໄດ້ສົ່ງແອບສີດຳໄປອົສຕຼາລີເພື່ອວິເຄາະສາເຫດອຸບັດຕິເຫດ.
ນອກນີ້, ຝ່າຍຕຳຫຼວດອິນໂດເນເຊຍແຈ້ງຂ່າວວ່າ, ຕາມຄຳຢັ້ງຢືນຂອງນັກບິນໃນຍົນທີ່ເກີດເຫດ, ໄດ້ວິນິໃສເບື້ອງຕົ້ນວ່າ, ແມ່ນຍ້ອນນັກບິນຂັບຍົນບໍ່ຖືກຕ້ອງຈຶ່ງພາໃຫ້ຍົນລົງຈອດແບບແຂງ ແລ້ວພາໃຫ້ເກີດໄຟໄໝ້, ພ້ອມນັ້ນ, ທ່ານໄດ້ປະຕິເສດຄວາມອາດເປັນໄປໄດ້ທີ່ຍົນດັ່ງກ່າວຖືກຫຼອນໂຈມຕີແບບກໍ່ການຮ້າຍ.
|
|
