|
|
 |
| (GMT+08:00)
2007-03-13 20:42:04
|
 |
|
ປະຊາຄົມໂລກສົນໃຈຂ່າວຄາວກ່ຽວກັບການສ້າງສາພັດທະນາຂອງຈີນທີ່ກອງປະຊຸມສອງສະພາສົ່ງອອກມາ
cri
Author: mo
ຕາມຂ່າວສານຊີນຮວາ: ໃນຫຼາຍມື້ມານີ້, ຂ່າວຄາວກ່ຽວກັບການສ້າງສາພັດທະນາຂອງຈີນທີ່ກອງປະຊຸມຄັ້ງທີ 5 ສະໄໝທີ 10 ຂອງສະພາຜູ້ແທນປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນສົ່ງອອກມານັ້ນໄດ້ກາຍເປັນຈຸດໜັກທີ່ສື່ມວນຊົນຕ່າງປະເທດແລະຜູ້ຊ່ຽວຊານທີ່ມີຊື່ສຽງຂອງໂລກສົນໃຈນຳ.
ນັບແຕ່ກອງປະຊຸມສອງສະພາໄຂຂຶ້ນເປັນຕົ້ນມາ, ຂ່າວສານຝ່າຍທາງການຂອງເອຢິບຄືຂ່າວສານຕາເວັນອອກກາງໄດ້ເອົາໃຈໃສ່ແລະລາຍງານກອງປະຊຸມໂດຍຕະຫຼອດ, ນອກນີ້, ໜັງສືພິມຂ່າວແລະໜັງສືພິມທາດປີລະມິດຂອງເອຢິບກໍໄດ້ຕີລາຄາສູງຕໍ່ລັດຖະບານຈີນທີ່ຍົກສູງຄວາມສາມາດກຳອຳນາດ.
ຂ່າວສານກາຊັກສະຕັງກໍໄດ້ແຈ້ງຂ່າວກ່ຽວກັບຫົວຂໍ້ຫາລືທີ່ກ່ຽວຂ້ອງຂອງກອງປະຊຸມສອງສະພາ.
ວັນທີ 12 ມີນານີ້, ທ່ານສະເຕເຟີນ ເປລີ ປະທານສະໂມສອນ 48 ກຸ່ມຂອງອັງກິດກ່າວວ່າ, ສະພາຜູ້ແທນປະຊາຊົນຈີນຈະຜ່ານກົດໝາຍວ່າດ້ວຍສິດຊັບສິນແມ່ນເລື່ອງດີ, ກົດໝາຍວ່າດ້ວຍອາກອນລາຍໄດ້ຂອງວິສາຫະກິດສະບັບໃໝ່ໄດ້ເຮັດໃຫ້ອາກອນຂອງວິສາຫະກິດຈີນແລະວິສາຫະກິດຕ່າງປະເທດໂຮມເຂົ້າເປັນເອກະພາບກັນ, ນີ້ຈະເຮັດໃຫ້ກະຕິກາຍິ່ງຍຸດຕິທຳກວ່າເກົ່າ.
ທ່ານເສີນຈື້ອູ ນັກເສດຖະສາດທີ່ມີຊື່ສຽງ ສາສະດາຈານຕະຫຼອດຊີວິດດ້ານວິຊາການເງິນຂອງວິທະຍາໄລຄຸ້ມຄອງແຫ່ງມະຫາວິທະຍາໄລປາເລອາເມລິກາກ່າວວ່າ, ກົດໝາຍວ່າດ້ວຍສິດຊັບສິນແມ່ນການຮັບປະກັນລະບອບສຳຄັນຂອງເສດຖະກິດຕະຫຼາດ.
|
|
|
