|
|
 |
| (GMT+08:00)
2007-03-14 17:51:56
|
|
ລັດຖະບານປະສົມຂອງປາເລັສຕີນຈະປະກາດສ້າງຕັ້ງຂຶ້ນໃນບໍ່ດົນນີ້
cri
Author: mo
ຕາມຂ່າວສານຊີນຮວາ: ວັນທີ 13 ມີນານີ້ຢູ່ທີ່ກາຊາ, ໂຄສົກຂອງທຳນຽບປະທານາທິບໍດີແລະຂອງລັດຖະບານຮັກສາການປາເລັສຕີນ ກ່າວວ່າ, ລັດຖະບານປະສົມຈະປະກາດສ້າງຕັ້ງຂຶ້ນພາຍໃນເວລາບໍ່ດົນນີ້.
ຕອນຄ່ຳມື້ດຽວກັນ, ທ່ານມາມຸດ ອາບັສ ປະທານອົງການອຳນາດແຫ່ງຊາດປາເລັສຕີນແລະທ່ານອິສມານ ຮານີຢາ ນາຍົກລັດຖະມົນຕີຮັກສາການໄດ້ຈັດການເຈລະຈາຢູ່ກາຊາ, ສືບຕໍ່ປຶກສາຫາລືກັນກ່ຽວກັບບັນຫາສ້າງລັດຖະບານປະສົມ. ໃນກອງປະຊຸມຖະແຫຼງຂ່າວທີ່ຈັດຂຶ້ນຫຼັງການເຈລະຈາ, ທ່ານອາບູ ຣູເດນາ ໂຄສົກທຳນຽບປະທານາທິບໍດີປາເລັສຕີນກ່າວວ່າ, ປາເລັສຕີນຍັງຕ້ອງການ 24 ຫາ 48 ຊົ່ວໂມງມາແກ້ໄຂບັນຫາຂໍ້ປີກຍ່ອຍທັງໝົດໃນຂັ້ນຕອນຈັດຕັ້ງລັດຖະບານປະສົມ. ທ່ານກາຊີ ຮາມາດ ໂຄສົກລັດຖະບານຮັກສາການປາເລັສຕີນກ່າວວ່າ, ລັດຖະບານຊຸດໃໝ່ຈະປະກາດສ້າງຕັ້ງຂຶ້ນກ່ອນວັນສຸກນີ້.
ຕາມຊາບວ່າ, ບັນຫາຜູ້ເປັນລັດຖະມົນຕີກະຊວງພາຍໃນຂອງລັດຖະບານໃໝ່ຍັງຄົງແມ່ນບັນຫາຕົ້ນຕໍຂອງຂໍ້ຂັດແຍ່ງສອງຝ່າຍ.
|
|
|
