|
|
 |
| (GMT+08:00)
2007-03-17 19:05:21
|
 |
|
ທ່ານບັນກີມູນຮຽກຮ້ອງໃຫ້ປະຊາຄົມໂລກຕັ້ງໜ້າເຂົ້າຮ່ວມການສ້າງສາອີຣັກຄືນໃໝ່
cri
Author: m
ຕາມຂ່າວສານຊິ່ນຮວາ: ວັນທີ 16 ມີນານີ້, ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດຮຽກຮ້ອງໃຫ້ປະຊາຄົມໂລກຕັ້ງໜ້າເຂົ້າຮ່ວມແຜນການສ້າງສາອີຣັກຄືນໃໝ່ຂອງ "ສັນຍາສາກົນອີຣັກ", ຊ່ອຍເຫຼືອອີຣັກດຳເນີນການປະຕິຮູບເສດຖະກິດແລະສັງຄົມໃນ 5 ປີຕໍ່ໄປ, ເພື່ອໃຫ້ອີຣັກກ້າວເຂົ້າໂຄຈອນພັດທະນາປົກກະຕິ.
ຕອນເຊົ້າວັນທີ 16 ມີນານີ້, ໃນເວລາກ່າວຄຳປາໄສໃນກອງປະຊຸມສາກົນກ່ຽວກັບບັນຫາຊ່ອຍເຫຼືອອີຣັກທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຊາດ, ທ່ານບັນກີມູນເວົ້າວ່າ, ອົງການສະຫະປະຊາຊາດສະໜັບສະໜູນ "ສັນຍາສາກົນອີຣັກ" ຢ່າງສຸດຂີດ, ທ່ານກ່າວເນັ້ນວ່າ, ການບັນລຸຄວາມໝັ້ນຄົງດ້ານການເມືອງແລະຫຼຸດເຫດການກໍ່ການຮ້າຍໃຫ້ໜ້ອຍລົງແມ່ນປະຖົມປັດໄຈພື້ນຖານທີ່ຮັບປະກັນໃຫ້ແຜນການສ້າງສາອີຣັກຄືນໃໝ່ບັນລຸຜົນສຳເລັດ.
ວັນທີ 27 ກໍລະກົດປີ 2006, ພາຍໃຕ້ການສະໜັບສະໜູນຂອງທະນາຄານໂລກ, ອົງການສະຫະປະຊາຊາດແລະລັດຖະບານອີຣັກໄດ້ພ້ອມກັນສະເໜີແຜນການສ້າງສາອີຣັກຄືນໃໝ່ໃນ "ສັນຍາສາກົນອີຣັກ", ປະສານສົມທົບກັບຄວາມພະຍາຍາມຂອງປະຊາຄົມໂລກເພື່ອຊ່ອຍເຫຼືອອີຣັກ.
|
|
|
