|
|
 |
| (GMT+08:00)
2007-03-21 20:14:29
|
 |
|
ເຈົ້າໜ້າທີ່ອາເມລິກາແລະເອີລົບພົບປະກັບເຈົ້າໜ້າທີ່ລັດຖະບານປາເລັສຕິນຊຸດໃໝ່
cri
ຕາມຂ່າວCRI,ພາຍຫຼັງອົງການຮາມາສແລະອົງການຟາຕາໄດ້ສ້າງຕັ້ງລັດຖະບານປະສົມແຫ່ງຊາດປາເລັສຕິນແລ້ວ,ທ່າທີຂອງອາເມລິກາແລະສະຫະພາບເອີລົບທີ່ມີຕໍ່ລັດຖະບານຊຸດໃໝ່ນັ້ນໄດ້ຮັບຄວາມສົນໃຈທີ່ສຸດຈາກປະຊາຄົມໂລກໂດຍຕະຫຼອດ.
ໜັງສືພິມຮາອາເລັສຂອງອິສຣາແອນແຈ່ງຂ່າວວ່າ,ວັນທີ20ມີນານີ້,ຢູ່ທີ່ລາມາລາ,ທ່ານເຈຄອບ ວອນສ ກົງສູນໃຫຍ່ຂອງອາເມລິກາປະຈຳເຢລູຊາເລັມໄດ້ເຈລະຈາກັບທ່ານຊາລາມ ຟາຢັດ ບຸກຄົນທີ່ບໍ່ສັງກັດພັກຝ່າຍໃດ ລັດຖະມົນຕີວ່າການກະຊວງການເງິນຂອງລັດຖະບານປາສົມແຫ່ງຊາດປາເລັສຕິນ.ມື້ດຽວກັນ,ທ່ານຟາຢັດໄດ້ຢືນຢັນຂ່າວດັ່ງກ່າວ.ແຕ່ທ່ານບໍ່ໄດ້ເປີດເຜີຍລາຍລະອຽດຂອງການເຈລະຈາ,ພຽງແຕ່ກ່າວວ່າຈຸດປະສົງຂອງການເຈລະຈາແມ່ນເພື່ອຊັກຊວນໃຫ້ປະເທດຝ່າຍຕາເວັນຕົກຍົກເລີກການລົງໂທດທາງເສດຖະກິດຕໍ່ປາເລັສຕິນ.
ມື້ດຽວກັນ,ໂຄສົກເພດຍິງຂອງທ່ານຈາເວຍໂຊລານາ ຜູ່ແທນຊັ້ນສູງທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພຂອງສະຫະພາບເອີລົບກໍ່ໄດ້ຢືນຢັນວ່າ,ມື້ດຽວກັນ,ຢູ່ກາຊາ,ທ່ານມາກໂອເຕ ທູດພິເສດບັນຫາຕາເວັນອອກກາງຂອງສະຫະພາບເອີລົບໄດ້ເຈລະຈາກັບທ່ານຈິອັດ ອາບູ ອາມູ ບຸກຄົນບໍ່ສັງກັດພັກຝ່າຍໃດ ລັດຖະມົນຕີວ່າການກະຊວງການຕ່າງປະເທດຂອງລັດຖະບານຊຸດໃໝ່ຂອງປາເລັສຕິນ.ໂຄສົກຜູ່ນີ້ກ່າວວ່າ,ຖ້າວ່າລັດຖະບານປະສົມແຫ່ງຊາດປາເລັສຕິນບໍ່ສາມາດຢັ້ງຢືນຄຳໝັ້ນສັນຍາຂອງເຂົາດ້ວຍການກະທຳຕົວຈິງໄດ້,ສະຫະພາບເອີລົບກໍ່ບໍ່ຫ່ອນຈະຟື້ນຟູຄວາມຊ່ວຍເຫຼືອດ້ານ ເສດຖະກິດແກ່ປາເລັສຕິນໃນໄລຍະສັ້ນ.
ວັນທີ20ມີນານີ້,ປະເທດສະມາຊິກຈຳນວນໜຶ່ງຂອງສະຫະພາບເອີລົບເຊິ່ງລວມທັງຝະຣັ່ງແລະໂອຕີຼສກໍພາກັນກ່າວວ່າຍິນດີຕິດຕໍ່ພົວພັນກັບທ່ານຈີອັດ ອາບູ ອາມູ ລັດຖະມົນຕີການຕ່າງປະເທດຂອງລັດຖະບານຊຸດໃໝ່ຂອງປາເລັສຕິນ.
|
|
|
