|
ຕາມຂ່າວCRI:ວັນທີ23ມີນານີ້,ກະຊວງການຕ່າງປະເທດອີຣານຢືນຢັນວ່າ,ໄດ້ກັກຕົວທະຫານເຮືອອັງກິດ15ຄົນຢູ່ອ່າວເປີເຊຍໃນຕອນເຊົ້າມື້ດຽວກັນ,ນາງມາກິຼດ ເປກທ໌ລັດຖະມົນຕີວ່າການກະຊວງການຕ່າງປະເທດອັງກິດໄດ້ຮຽກຮ້ອງໃຫ້ອີຣານຈົ່ງປ່ອຍຕົວພາກເຂົາເຈົ້າໃນທັນທີ.
ສະຖານີໂທລະພາບແຫ່ງຊາດອີຣານລາຍງານວ່າ,ກະຊວງການຕ່າງປະເທດອີຣານໄດ້ຮຽກພົບອຸບປະທູດຊົ່ວຄາວຂອງອັງກິດປະຈຳອີຣານ,ເພື່ອສະແດງຄວາມປະທ້ວງການກະທຳຂອງທະຫານອັງກິດທີ່ເຂົ້າເຂດທະເລອີຣານຢ່າງຜິດກົດໝາຍ.ພ້ອມທັງຮຽກຮ້ອງໃຫ້ເຈົ້າໜ້າທີ່ອັງກິດ"ຈົ່ງໃຫ້ຄຳອະທິບາຍຢ່າງວ່ອງໄວ",ແລະຮັບປະກັນບໍ່ໃຫ້ເກີດເຫດການແບບນີ້ອີກ.
ວັນທີ23ມີນານີ້,ທ່ານນາງເປາທ໌ ລັດຖະມົນຕີວ່າການກະຊວງການຕ່າງປະເທດອັງກິດໄດ້ຮຽກພົບເອກອັກຄະລັດຖະທູດອີຣານປະຈຳອັງກິດຢ່າງຮີບດ່ວນ,ຮຽກຮ້ອງໃຫ້ອີຣານຈົ່ງປ່ອຍຕົວທະຫານອັງກິດທີ່ຖືກກັກຕົວຢູ່ອ່າວເປີເຊຍໃນມື້ດຽວກັນ.ຫຼັງຈາກນັ້ນທ່ານນາງເປກທ໌ໄດ້ກ່າວຄຳປາໄສທາງໂທລະພາບວ່າ,ອັງກິດຮຽກຮ້ອງໃຫ້ອີຣານຈົ່ງອະທິບາຍເຫດການກັກຕົວຢ່າງຮອບດ້ານ.
ມື້ດຽວກັນ,ກະຊວງປ້ອງກັນປະເທດອັງກິດກ່າວວ່າ,ທະຫານເຮືອອັງກິດ15ຄົນໄດ້ໄປກວດກາເຮືອການຄ້າລຳໜຶ່ງຕາມປົກກະຕິໃນນ່າມທະເລອີຣັກຂອງອ່າວເປີເຊຍໃນວັນທີ23ມີນາ.ຫຼັງຈາກສຳເລັດການກວດກາແລ້ວ,ພວກເຂົາເຈົ້າໄດ້ຖືກເຮືອຂອງທະຫານອີຣານປິດລ້ອມ,ແລະຖືກພາໄປຮອດນ່າມທະເລຂອ
|
