|
|
 |
| (GMT+08:00)
2007-03-26 10:24:27
|
 |
|
ທ່ານອັບບັສແລະນາງໄຣສ໌ຫາລືການແຕ່ງຕັ້ງຄະນະກຳມະການພິເສດ
cri
Author: MO
ຕາມຂ່າວCRI: ວັນທີ 25 ມີນານີ້, ທ່ານມາຮາມູດ ອັບບັສ ປະທານອົງການອຳນາດແຫ່ງຊາດປາເລັສຕີນກັບນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ໄປຢາມໄດ້ຈັດການເຈລະຈາຢູ່ລາມາລາ ເມືອງຝັ່ງຕາເວັນຕົກແມ່ນ້ຳຈໍແດນ. ສອງຝ່າຍໄດ້ຫາລືແຜນການທີ່ຮັບເອົາປະເທດອາລັບທີ່ບໍ່ແຂງກະດ້າງເຂົ້າຮ່ວມການຊຸກຍູ້ຂະບວນວິວັດສັນຕິພາບປາເລັສຕີນອິສຣາແອນ, ໃນນັ້ນລວມທັງການແຕ່ງຕັ້ງຄະນະກຳມະການພິເສດທີ່ນຳໂດຍປະເທດອາລັບເຫຼົ່ານັ້ນ.
ຄະນະກຳມະການດັ່ງກ່າວອາດຈະນຳໂດຍ ອາຣາບີ ຊາອູດິດຈະຮ່ວມມືກັບ 4 ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ ປາເລັສຕີນແລະອິສຣາແອນ, ຊຸກຍູ້ໃຫ້ການປະຕິບັດຕາມຂໍ້ລິເລີ່ມສັນຕິພາບອາລັບຄືນໃໝ່. ຝ່າຍຕ່າງໆທີ່ກ່ຽວຂ້ອງກຽມສະເໜີການແຕ່ງຕັ້ງຄະນະກຳມະການດັ່ງກ່າວໃນກອງປະຊຸມສຸດຍອດປະເທດອາລັບທີ່ຈະຈັດຂຶ້ນຢູ່ອາຣາບີ ຊາອູດິດ ໃນສັບປະດາໜ້າ.
ມື້ດຽວກັນ, ນາງມີລີ ເອຊິນ ໂຄສົກລັດຖະບານອິສຣາແອນກ່າວວ່າ, ຝ່າຍອິສຣະແອນອາດຈະຊົມເຊີຍຄະນະກຳມະການດັ່ງກ່າວ.
|
|
|
