|
|
 |
| (GMT+08:00)
2007-03-31 20:41:35
|
|
ຜູ່ນຳຫວຽດນາມຫວັງໃຫ້ຊຸກຍູ້ການພົວພັນຫວຽດນາມຈີນໄປສູ່ລະດັບສູງໃໝ່
cri
ຕາມຂ່າວສານຊິນຮວາ,ວັນທີ30ມີນານີ້,ຢູ່ທີ່ຮ່າໂນ້ຍ,ໃນເວລາເຂົ້າຮ່ວມງານລ້ຽງອາຫານຄ່ຳທີ່ທ່ານຫູສຽນເວິນເອກອັກຄະລັດຖະທູດຈີນປະຈຳຫວຽດນາມຈັດຂຶ້ນ,ທ່ານຫງຽນຟູດົງ ປະທານສະພາແຫ່ງຊາດຫວຽດນາມກ່າວວ່າ,ຫວຽດນາມແລະຈີນແມ່ນປະເທດໃກ້ຄຽງທີ່ມີໄມຕີຈິດຕໍ່ກັນ, ສອງປະເທດມີສະພາບແຫ່ງຊາດທີ່ຄ້າຍຄືກັນ,ມີລະບອບຄືກັນ.ໃນປັດຈຸບັນ,ການປ່ຽນແປງໃໝ່ແລະໄຂປະຕູສູ່ພາຍນອກຂອງຫວຽດນາມກັບການປະຕິຮູບແລະໄຂປະຕູສູ່ພາຍນອກຂອງຈີນພວມກ້າວສູ່ລວງເລິກ.ທ່ານຫວັງໃຫ້ສອງຝ່າຍເພີ່ມທະວີການແລກປ່ຽນແລະຮ່ວມມືກັນໃນຂົງເຂດຕ່າງໆ,ເຮັດໃຫ້ການພົວພັນຫວຽດນາມຈີນໄດ້ຮັບການປັບປຸງແລະຂະຫຍາຍຕົວ.
ທ່ານຫງຽນຟູດົງຍັງໄດ້ສະແດງຄວາມຂອບອົກຂອບໃຈດ້ວຍຄວາມຈິງໃຈຕໍ່ພັກ ລັດແລະປະຊາຊົນຈີນທີ່ໃຫ້ການຊ່ວຍເຫຼືອແລະການສະໜັບສະໜູນຢ່າງຫຼວງຫຼາຍໃຫ້ແກ່ຫວຽດນາມໃນການຕໍ່ສູ້ການປະຕິວັດແລະໃນພາລະກິດສ້າງສາສັງຄົມນິຍົມຂອງຫວຽດນາມ.
|
|
|
