|
|
 |
| (GMT+08:00)
2007-04-06 15:51:21
|
 |
|
ກອງປະຊຸມລັດຖະມົນຕີການເງິນອາຊຽນຮຽກຮ້ອງໃຫ້ເລັ່ງລັດບາດກ້າວກໍ່ສ້າງປະຊາຄົມເສດຖະກິດ
cri
ຕາມຂ່າວCRI,ກອງປະຊຸມລັດຖະມົນຕີການເງິນອາຊຽນຄັ້ງທີ11ໄດ້ຈັດຂຶ້ນຢູ່ທີ່ຊຽງໃໝ່ເມືອງພາກເໜືອຂອງໄທໃນວັນທີ5ເມສານີ້,ກອງປະຊຸມໄດ້ດຳເນີນເປັນເວລາມື້ໜຶ່ງ,ທີ່ປະຊຸມໄດ້ຮຽກຮ້ອງໃຫ້ປະເທດສະມາຊິກຕ່າງໆເລັ່ງລັດບາດກ້າວກໍ່ສ້າງປະຊາຄົມເສດຖະກິດອາຊຽນ.
ພາຍຫຼັງກອງປະຊຸມສິ້ນສຸດລົງແລ້ວ,ລັດຖະມົນຕີການເງິນຂອງ10ປະເທດອາຊຽນໄດ້ຮ່ວມກັນຈັດງານຖະແຫຼງຂ່າວໂດຍກ່າວວ່າ,ກອງປະຊຸມເທື່ອນີ້ໄດ້ເນັ້ນໜັກວ່າປະເທດສະມາຊິກຂອງອາຊຽນຕ້ອງເລັ່ງລັດບາດກ້າວກໍ່ສ້າງປະຊາຄົມເສດຖະກິດພາກພື້ນກ່ອນປີ2015,ຕັ້ງໜ້າລົບລ້າງອຸປະສັກທີ່ກີດຂວາງການເຮັດໃຫ້ການຄ້າສິນຄ້າແລະການບໍລິການຫັນເປັນແບບເສລີແລະເຮັດໃຫ້ການຈໍລະຈອນເງິນທຶນແລະແຮງງານຫັນເປັນແບບເສລີ.
ທີ່ປະຊຸມຍັງໄດ້ຕົກລົງມະຕິເອກະສັນກ່ຽວກັບການປັບປຸງຕະຫຼາດທຶນອາຊຽນໃຫ້ສົມບູນຂຶ້ນ,ຕົກລົງຈະສ້າງຕັ້ງສູນຂໍ້ມູນພັນທະບັດອາຊຽນ,ເຊິ່ງເປັນບາດກ້າວທຳອິດທີ່ເຮັດໃຫ້ຕະຫຼາດຫຼັກຊັບຂອງພາກພື້ນຫັນເຊື່ອມໂຍງເຂົ້າກັນໃນຕໍ່ໜ້າ.
|
|
|
