|
ອິນໂດເນເຊຍມີອີກຄົນໜຶ່ງຕາຍຍ້ອນໄຂ້ຫວັດສັດປີກ
cri
Author: cai
ຕາມຂ່າວCRI:ວັນທີ 7 ເມສານີ້,ກະຊວງສາທາລະນະສຸກອິນໂດເນເຊຍຢືນຢັນວ່າ,ຜູ້ສາວອາຍຸ 15 ປີຄົນໜຶ່ງຢູ່ແຂວງຈາວາກາງໄດ້ຕາຍໄປຍ້ອນໄຂ້ຫວັດສັດປີກ,ເຮັດໃຫ້ຈຳນວນຄົນອິນໂດເນເຊຍຕາຍຍ້ອນໄຂ້ຫວັດສັດປີກເພີ່ມຂຶ້ນຮອດ 73 ຄົນ.
ເຈົ້າໜ້າທີ່ກະຊວງສາທາລະນະສຸກອິນໂດເນເຊຍຢືນຢັນວ່າ,ຜົນກວດກາຢັ້ງຢືນວ່າ,ຜູ້ສາວຜູ້ນີ້ໄດ້ຕິດເຊື້ອພະຍາດໄຂ້ຫວັດສັດປີກປະເພດ H5N1,ກ່ອນລາວເປັນພະຍາດ,ເຄີຍສຳຜັດກັບສັດປີກທີ່ມີເຊື້ອພະຍາດ.
ນອກນີ້,ຂ່າວແຈ້ງວ່າ,ວັນທີ 6 ເມສານີ້,ຄະນະກຳມະການປ້ອງກັນແລະຄວບຄຸມການແຜ່ລາມໄຂ້ຫວັດສັດປີກແຫ່ງຊາດອິນໂດເນເຊຍອອກຖະແຫຼງການວ່າ,ປີນີ້,ລັດຖະບານອິນໂດເນເຊຍຈະພະຍາຍາມຄົບເທົ່າເພື່ອຕ້ານໄຂ້ຫວັດສັດປີກ.ລັດຖະບານອິນໂດເນເຊຍຈະເຜີຍແຜ່ບົດຮຽນຂອງຢາກາກດາໃນການປ້ອງກັນແລະຄວບຄຸມໄຂ້ຫວັດສັດປີກໂດຍທົ່ວໄປພາຍໃນທົ່ວປະເທດ,ຫ້າມບໍ່ໃຫ້ລ້ຽງສັດປີກຢູ່ເດີ່ນບ້ານຂອງຕົນ.
|
|
