|
ຄະນະກຳມະການກາແດງສາກົນສະແດງຄວາມວິຕົກກັງວົນນຳສະພາບມະນຸດສະທຳຂອງອີຣັກຊຸດໂຊມລົງ
cri
ຕາມຂ່າວສານຊິນຮວາ,ວັນທີ11ເມສານີ້,ຢູ່ທີ່ເຊີແນວ,ຄະນະກຳມະການກາແດງສາກົນໄດ້ເຜີຍແຜ່ບົດລາຍງານທີ່ພາດຫົວເລື່ອງວ່າ,ສາມັນຊົນທີ່ບໍ່ມີການປົກປ້ອງ--ວິກິດການທີ່ນັບມື້ນັບໜັກໜ່ວງຂອງອີຣັກ,ບົດລາຍງານໄດ້ສະແດງຄວາມວິຕົກກັງວົນຕໍ່ສະພາບມະນຸດສະທຳຂອງອີຣັກໄດ້ຊຸດໂຊມລົງ,ບົດລາຍງານຮຽກຮ້ອງໃຫ້ໃຊ້ມາດຕະການອັນຮີບດ່ວນເພື່ອປົກປ້ອງປະຊາຊົນບໍ່ໃຫ້ໄດ້ຮັບ ຄວາມຮຸນແຮງທີ່ເກີດຂຶ້ນເລື້ອຍໆ.
ບົດລາຍງານໄດ້ກ່າວປະນາມການໃຊ້ຄວາມຮຸນແຮງຕ່າງໆທີ່ແນໃສ່ປະຊາຊົນເຊັ່ນການໃຊ້ປືນ,ລະເບີດ,ລັກພາຕົວແລະການເຄື່ອນໄຫວທາງການທະຫານເປັນຕົ້ນ.ບົດລາຍງານຂຽນວ່າ,ທັງໝົດເຫຼົ່ານີ້ໄດ້ລ່ວງລະເມີດກົດໝາຍລະຫວ່າງຊາດວ່າດ້ວຍ ມະນຸດສະທຳແລະຫຼັກມາດຖານຂອງກົດໝາຍທີ່ກ່ຽວຂ້ອງນັ້ນຢ່າງຮຸນແຮງ.ບົດລາຍງານຊີ້ອອກວ່າ,ຍ້ອນໄດ້ຮັບຜົນກະທົບຈາກບັນຫາຕ່າງໆເຊັ່ນຄວາມປັ່ນປ່ວນຂອງສົງຄາມ,ຈິ່ງເຮັດໃຫ້ອີຣັກຂາດເຂີນອຸປະກອນປິ່ນປົວແລະພະນັກງານແພດໝໍຫຼາຍ,ພື້ນຖານໂຄງລ່າງທີ່ສຳຄັນເຊັ່ນການສະໜອງນ້ຳກິນ,ການລະບາຍນ້ຳໂສໂຄກແລະໄຟຟ້າເປັນຕົ້ນສ່ວນຫຼາຍພວມຢູ່ໃນສະພາບທີ່ຊຸດໂຊມຢ່າງໜັກໜ່ວງ.
|
|
