|
|
 |
| (GMT+08:00)
2007-04-14 18:06:02
|
 |
|
ຫົວໜ້າການທະນາຄານຂອງ 7 ປະເທດຝ່າຍຕາເວັນຕົກເຫັນວ່າ ເສດຖະກິດໂລກຍັງຈະຮັກສາການເຕີບໂຕຢ່າງແຂງແຮງ
cri
Author: MO
ຕາມຂ່າວສານຊີນຮວາ: ວັນທີ 13 ເມສານີ້, ລັດຖະມົນຕີກະຊວງການເງິນແລະຜູ້ວ່າການທະນາຄານກາງຂອງ 7 ປະເທດຄືອາເມລິກາ ຍີ່ປຸ່ນ ອັງກິດ ການາດາ ຝຣັ່ງ ເຢຍລະມັນ ແລະອີຕາຣີໄດ້ອອກຖະແຫຼງການຮ່ວມໂດຍຂຽນວ່າ, ເຖິງວ່າມີຄວາມສ່ຽງບາງຢ່າງ, ແຕ່ເສດຖະກິດໂລກຍັງຈະຮັກສາທ່ວງທ່າເຕີບໂຕຢ່າງແຂງແຮງ.
ຖະແຫຼງການກ່າວວ່າ, ເສດຖະກິດໂລກພວມເຕີບໂຕຢ່າງສືບເນື່ອງແລະແຂງແຮງທີ່ສຸດໃນ 30 ກວ່າປີມານີ້, ການເຕີບໂຕຈະດຸ່ນດຽງກວ່າເກົ່າ.
ຫົວໜ້າການທະນາຄານຂອງ 7 ປະເທດໃຫ້ຄຳໝັ້ນສັນຍາວ່າ, ຈະສະກັດກັ້ນອາລົມລັດທິປົກປ້ອງການຄ້າທີ່ສູງຂຶ້ນຢ່າງບໍ່ຢຸດຢັ້ງ, ແລະຊຸກຍູ້ໃຫ້ບັນດາຝ່າຍທີ່ກ່ຽວຂ້ອງເລີ່ມຈັດການເຈລະຈາຮອບໂດຮາຂອງອົງການການຄ້າໂລກຄືນໃໝ່. ຖະແຫຼງການກ່າວວ່າ, ການຮັບປະກັນໃຫ້ການເຈລະຈາຮອບໂດຮາສຳເລັດຜົນແມ່ນໜ້າທີ່ອັນຮີບດ່ວນລາຍໜຶ່ງ, ສ່ວນການຫຼຸດພາສີຢ່າງບັງເກີດຜົນແລະລົບລ້າງກຳແພງການຄ້າອື່ນໆນັ້ນກໍມີຄວາມສຳຄັນທີ່ສຸດໃນການຊຸກຍູ້ໃຫ້ການຄ້າທົ່ວໂລກສືບຕໍ່ເຕີບໂຕແລະຫຼຸດຜ່ອນຄວາມທຸກຍາກ.
|
|
|
