|
ທ່ານຮີວກ່າວວ່າ, ທ່ານບໍ່ເຫັນນຳວ່າຄວນເລື່ອນເວລາກຳນົດໄປອີກເດືອນໜຶ່ງເພື່ອປະຕິບັດເອກະສານຮ່ວມ"13ກຸມພາ"
cri
Author: MO
ຕາມຂ່າວສານຊີນຮວາ: ວັນທີ 13 ເມສານີ້, ຢູ່ທີ່ປັກກິ່ງ, ທ່ານຮີວ ຫົວໜ້າຄະນະຜູ້ແທນອາເມລິກາກ່ຽວກັບການເຈລະຈາ 6 ຝ່າຍບັນຫານິວເຄຼຍແຫຼມເກົາຫຼີກ່າວວ່າ, ທ່ານບໍ່ເຫັນນຳວ່າ, ຄວນແກ່ຍາວເວລາກຳນົດໄປອີກເດືອນໜຶ່ງຈຶ່ງປະຕິບັດເອກະສານຮ່ວມ13ກຸມພາ.
ອີງຕາມເອກະສານຮ່ວມທີ່ກອງປະຊຸມໄລຍະທີສາມຂອງການເຈລະຈາ 6 ຝ່າຍຮອບ 5 ຜ່ານໃນວັນທີ 13 ກຸມພາ, ສປປເກົາຫລີເຫັນດີປິດສິ່ງກໍສ້າງນິວເຄຼຍຢູ່ຢົງບຽນພາຍໃນ 60 ມື້, ແລະເຊີນພະນັກງານອົງການພະລັງງານປະລະມານູສາກົນກັບຄືນສູ່ສປປເກົາຫລີຄືນໃໝ່, ແລະດຳເນີນການຕິດຕາມກວດກາທີ່ຈຳເປັນທັງໝົດທີ່ສອງຝ່າຍເຫັນດີນຳກັນ, ເວລາກຳນົດດັ່ງກ່າວຈະໝົດອາຍຸໃນວັນທີ 14 ເມສານີ້.
ມື້ດຽວກັນ, ທ່ານຮີວກ່າວວ່າ, ທ່ານບໍ່ແນ່ໃຈວ່າຄວນແກ່ຍາວເວລາກຳນົດສຸດທ້າຍໄປຮອດມື້ໃດ, ທ່ານຕ້ອງການປຶກສາກັບຝ່າຍຕ່າງໆເພື່ອສະແຫວງຫາແຜນການແກ້ໄຂທີ່ດີທີ່ສຸດ.
ທ່ານຮີວໄດ້ເດີນທາງມາຮອດປັກກິ່ງໃນວັນທີ 13 ເມສານີ້, ທ່ານຈະປຶກສາຫາລືກັນກັບຝ່າຍຈີນກ່ຽວກັບເລື່ອງການເຈລະຈາ 6 ຝ່າຍທີ່ກ່ຽວຂ້ອງ.
|
|
