|
ປະທານເຂດລົມບາດີຂອງອີຕາຣີກ່າວວ່າ, ເຫດການປະທະກັນຢູ່ມີລາໂນຈະບໍ່ກະທົບກະເທືອນການພົວພັນເສດຖະກິດການເມືອງລະຫວ່າງອີຕາລີກັບຈີນ
cri
Author: mo
ຕາມຂ່າວCRI：ວັນທີ 14 ເມສານີ້, ທ່ານໂລເບີໂທ ຟູມີໂກນີ ປະທານເຂດລົມບາດີທີ່ຂຶ້ນກັບນະຄອນມີລາໂນແຫ່ງອີຕາຣີໄດ້ໃຫ້ສຳພາດຕໍ່ນັກຂ່າວຈີນປະຈຳອີຕາຣີ, ທ່ານກ່າວວ່າ, ເຊື່ອວ່າ, ເຫດການປະທະກັນລະຫວ່າງຝ່າຍຕຳຫຼວດອີຕາຣີກັບຊາວຈີນໃນຄຸ້ມຊາວຈີນຢູ່ມີລາໂນທີ່ເກີດຂຶ້ນໃນວັນທີ 12 ເມສານີ້ຈະບໍ່ກະທົບກະເທືອນເຖິງການພົວພັນທາງເສດຖະກິດການເມືອງລະຫວ່າງອີຕາຣີກັບຈີນ. ອົງການປົກຄອງເຂດລົມເບີດີຈະພ້ອມກັນກັບອົງການປົກຄອງນະຄອນມີລາໂນແລະຝ່າຍທີ່ກ່ຽວຂ້ອງຂອງຈີນແກ້ໄຂເຫດການນີ້ຢ່າງເໝາະສົມ.
ວັນທີ 14 ເມສານີ້, ໃນເວລາໃຫ້ສຳພາດຕໍ່ສື່ມວນຊົນຂອງອີຕາຣີ, ທ່ານຕົງຈິ່ນອີ້ ເອກອັກຄະລັດຖະທູດຈີນປະຈຳອີຕາຣີກ່າວວ່າ, ເຊື່ອວ່າຝ່າຍອີຕາຣີຄົງສາມາດຊຳລະແກ້ໄຂເຫດການນີ້ຢ່າງຍຸດຕິທຳ. ຫວັງໃຫ້ຝ່າຍອີຕາຣີປົກປ້ອງສິດແລະຜົນປະໂຫຍດອັນຊອກທຳແລະຊອກກົດໝາຍຂອງຊາວຈີນຢ່າງແທ້ຈິງ, ຫຼີກເວັ້ນບໍ່ໃຫ້ການພົວພັນລະຫວ່າງສອງຝ່າຍຖືກຜົນສະທ້ອນທາງລົບ.
ວັນທີ 12 ເມສານີ້, ຜູ້ຍິງຈີນຜູ້ໜຶ່ງໄດ້ຜິດຖຽງກັນກັບຕຳຫຼວດຍ້ອນບ່ອນຈອດລົດຢູ່ມີລາໂນອີຕາຣີ, ແລ້ວໄດ້ເກີດການປະທະກັນກັບຝ່າຍຕຳຫຼວດກັກຕົວ, ຜູ້ຍິງທີ່ກ່ຽວຖືກກັກຕົວ, ເຮັດໃຫ້ຊາວຈີນທີ່ອາໄສຢູ່ແຫ່ງນັ້ນປະທ້ວງທັງປະທະກັນກັບຕຳຫຼວດ. ໃນເຫດການດັ່ງກ່າວມີຊາວຈີນ 10 ກວ່າຄົນບາດເຈັບເບົາ. ປັດຈຸບັນ, ຖະໜົນສຳຄັນໃນເຂດນີ້ໄດ້ເປັນລະບຽບປົກກະຕິຄືເກົ່າແລ້ວ.
|
|
