|
|
 |
| (GMT+08:00)
2007-04-18 17:54:13
|
 |
|
ທ່ານເຈຍຊີ້ງລິນພົບປະນາຍົກລັດຖະມົນຕີຕຸຍນີຊີ
cri
Author: mo
ຕາມຂ່າວCRI：ວັນທີ 17 ເມສານີ້, ຢູ່ນະຄອນຫຼວງຕຸຍນີສ, ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນຈີນໄດ້ພົບປະທ່ານໂມຮາເມັດ ການູຊີ ນາຍົກລັດຖະມົນຕີຕຸຍນີຊີ.
ທ່ານເຈຍຊີ້ງລີນຫວັງຢາກໃຫ້ສອງຝ່າຍເປີດກວ້າງການຮ່ວມມືດ້ານການຄ້າ, ພ້ອມກັນຊຸກຍູ້ໃຫ້ການຄ້າພັດທະນາຢ່າງດຸນດຽງກັນ; ເພີ່ມການລົງທຶນໃຫ້ກັນ, ສະໜັບສະໜູນວິສາຫະກິດທີ່ມີກຳລັງຕົວຈິງແລະມີຊື່ສຽງດີຂອງປະເທດຕົນໄປລົງທຶນດຳເນີນທຸລະກິດຢູ່ປະເທດຝ່າຍກົງກັນຂ້າມແລະສ້າງຊ່ອງທາງຕິດຕໍ່ພົວພັນແລະຮ່ວມມືໂດຍກົງລະຫວ່າງວິສາຫະກິດ, ຕັ້ງໜ້າເປີດກວ້າງການຮ່ວມມືການທ່ອງທ່ຽວເປັນຕົ້ນ. ທ່ານການູຊີກ່າວວ່າ, ກອງປະຊຸມສຸດຍອດປັກກິ່ງຂອງເວທີປາໄສການຮ່ວມມືຈີນອາຟຼິກາໄດ້ຮັບໝາກຜົນອັນດີງາມ, ໄດ້ສະແດງໃຫ້ເຫັນຄວາມປາຖະໜາແລະຄວາມຕັດສິນໃຈຂອງຈີນທີ່ຈະຊ່ອຍປະເທດອາຟຼິກາບັນລຸເປົ້າໝາຍພັດທະນາ.
ມື້ດຽວກັນ, ລັດຖະບານສອງປະເທດຄືຈີນແລະຕຸຍນີຊີໄດ້ລົງນາມໃນເອກະສານຮ່ວມມື 5 ສະບັບເຊິ່ງລວມທັງ"ສັນຍາຮ່ວມມືເສດຖະກິດເຕັກນິກ", ທ່ານເຈຍຊີ້ງລີນແລະທ່ານການູຊີໄດ້ເຂົ້າຮ່ວມເປັນສັກຂີພິຍານໃນພິທີລົງນາມ.
|
|
|
