|
|
 |
| (GMT+08:00)
2007-04-18 18:19:13
|
 |
|
ສະຫະປະຊາຊາດຮຽກຮ້ອງປະຊາຄົມໂລກພ້ອມກັນພະຍາຍາມແກ້ໄຂບັນຫາຊາວອົບພະຍົບຂອງອີຣັກ
cri
Author: da
ຕາມຂ່າວCRI: ກອງປະຊຸມລະດັບລັດຖະມົນຕີກ່ຽວກັບບັນຫາຊາວອົບພະຍົບອີຣັກ ຊຶ່ງມີອົງການຊາວອົບພະຍົບສະຫະປະຊາຊາດຫຼື UNHCR ນັ່ງເປັນປະທານໄດ້ຈັດຂຶ້ນຢູ່ເຊີແນວໃນວັນທີ 17 ເມສາ.ຜູ່ຮ່ວມປະຊຸມຮຽກຮ້ອງປະຊາຄົມໂລກພ້ອມກັນພະຍາຍາມແກ້ໄຂບັນຫາຊາວອົບພະຍົບອີຣັກທີ່ນັບມື້ນັບຮ້າຍແຮງຂຶ້ນ.
ໃນເວລາກ່າວຄຳປາໄສທາງວິດີໂອ ທ່ານບານກີມູນ ເລຂາທິການໃຫຍ່ສະຫະປະຊາຊາດຮຽກຮ້ອງປະຊາຄົມໂລກຈົ່ງຊ່ອຍເຫຼືອຊາວອົບພະຍົບອີຣັກ,ແລະຮຽກຮ້ອງປະເທດໃກ້ຄຽງອີຣັກຈົ່ງສືບຕໍ່ເປີດຊາຍແດນຮັບຊາວອົບພະຍົບອີຣັກ,ເຮັດໃຫ້ເຂົາເຈົ້າມີການຮັບປະກັນດ້ານຊີວິດການເປັນຢູ່ຕ່ຳທີ່ສຸດ.
ໃນກອງປະຊຸມ ທ່ານໂຮເຊຍ ເຊບາຣີ ລັດຖະມົນຕີວ່າການກະຊວງການຕ່າງປະເທດອີຣັກກ່າວວ່າ,ປະຈຸບັນ ລັດຖະບານພວມພະຍາຍາມໃຫ້ສະຖານະພາບອີຣັກມີຄວາມສະຖຽນລະພາບ,ເພື່ອສ້າງເງື່ອນໄຂໃຫ້ແກ່ຊາວອົບພະຍົບອີຣັກຢູ່ຕ່າງປະເທດກັບຄືນປະເທດ.
ຕາມເອກະສານຂອງອົງການ UNHCR ສະແດງໃຫ້ເຫັນວ່າ,ປະຈຸບັນ ຊີລີ ຊອກດານີແລະປະເທດໃກ້ຄຽງອີຣັກອື່ນໆໄດ້ຮັບຊາວອົບພະຍົບອີຣັກເກືອບ 2 ລ້ານຄົນ.ນອກນີ້ ຢູ່ອີຣັກຍັງມີຜູ່ບໍ່ມີບ່ອນເພິ່ງພາອາໄສປະມານ1ລ້ານ9ແສນຄົນຕ້ອງການຄວາມຊ່ອຍເຫຼືອ.
|
|
|
