|
|
 |
| (GMT+08:00)
2007-04-19 19:51:50
|
 |
|
ສື່ມວນຊົນສປປເກົາຫລີຕິຕຽນຍີ່ປຸ່ນຂັດຂວາງການເຈລະຈາ 6 ຝ່າຍ
cri
Author: mo
ຕາມຂ່າວສານຊີນຮວາ: ໜັງສືພິມໂລດົງຊີນມູນ ສຽງຂອງສູນກາງພັກແຮງງານເກົາຫລີສະບັບວັນທີ 19 ເມສາໄດ້ພິມບົດວິຈານວ່າ, ຍີ່ປຸ່ນຍຶດໝັ້ນຫາລືບັນຫາຕົວປະກັນທີ່ບໍ່ກ່ຽວຂ້ອງກັບຫົວຂໍ້ເຈລະຈາໃນການເຈລະຈາ 6 ຝ່າຍແມ່ນຢາກຂັດຂວາງປະຕິບັດເອກະສານຮ່ວມ 13 ກຸມພາ, ທຳລາຍຂະບວນວິວັດການເຈລະຈາ 6 ຝ່າຍ.
ບົດວິຈານຊີ້ອອກວ່າ, ຍີ່ປຸ່ນທຳລາຍການເຈລະຈາ 6 ຝ່າຍແລະຂະບວນວິວັດປອດນິວເຄຼຍຢູ່ແຫຼມເກົາຫລີ ແມ່ນເພື່ອສ້າງເງື່ອນໄຂເບື້ອງຕົ້ນໃຫ້ເຂົາບັນລຸເປົ້າໝາຍປະກອບອາວຸດນິວເຄຼຍແລະກາຍເປັນມະຫາປະເທດການທະຫານ. ຍີ່ປຸ່ນເຮັດແນວນີ້ມີແຕ່ຈະເຮັດໃຫ້ການເຈລະຈາ 6 ຝ່າຍຍືດເຍືອຕໍ່ໄປ ຈົນກະທັ້ງຖອຍຫຼັງ.
ໃນກອງປະຊຸມຄະນະລັດຖະບານທີ່ຈັດຂຶ້ນໃນວັນທີ 10 ເມສານີ້, ລັດຖະບານຍີ່ປຸ່ນຕົກລົງວ່າ, ຈະແກ່ຍາວເວລາໃຊ້ມາດຕະການລົງໂທດສປປເກົາຫລີທາງເສດຖະກິດທີ່ຈະໝົດອາຍຸໃນກາງເດືອນເມສານັ້ນໄປອີກເຄິ່ງປີ. ລັດຖະບານຍີ່ປຸ່ນເຫັນວ່າ, ຍ້ອນສປປເກົາຫລີຂາດຄວາມຈິງໃຈໃນການແກ້ໄຂບັນຫາລັກພາຕົວຊາວຍີ່ປຸ່ນ, ຈຶ່ງຈຳເປັນຕ້ອງຮັກສາກຳລັງກົດໜີບຕໍ່ເຂົາ.
|
|
|
