|
ສປປເກົາຫລີກ່າວວ່າ, ເມື່ອແກ້ໄຂບັນຫາກັກເງິນຝາກທະນາຄານແລ້ວ, ຈະເຊີນພະນັກງານອົງການພະລັງງານປະລະມານູສາກົນໄປຢ້ຽມຢາມ
cri
Author: mo
ຕາມຂ່າວສານຊີນຮວາ: ວັນທີ 20 ເມສານີ້, ທ່ານລີເຈຊົນ ຫົວໜ້າກົມໃຫຍ່ພະລັງງານປະລະມານູສປປເກົາຫລີຝາກຈົດໝາຍໄປຍັງທ່ານບາລາດີ ຜູ້ອຳນວຍການໃຫຍ່ອົງການພະລັງງານປະລະມານູສາກົນ, ກ່າວວ່າ, ຄວາມຕັ້ງໃຈຂອງສປປເກົາຫລີທີ່ຈະປະຕິບັດຕາມເອກະສານຮ່ວມທີ່ຜ່ານໃນການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີຄືເອກະສານຮ່ວມ 13 ກຸມພານັ້ນບໍ່ໄດ້ປ່ຽນແປງ, ຕາບໃດທີ່ໄດ້ຮູ້ຄັກແນ່ວ່າບັນຫາກັກເງິນຝາກທະນາຄານຂອງສປປເກົາຫລີໄດ້ຮັບການແກ້ໄຂແລ້ວ, ຈະເຊີນທິມງານຂອງອົງການພະລັງງານປະລະມານູສາກົນໄປຢ້ຽມຢາມສປປເກົາຫລີໃນທັນທີ, ແລະຫາລືກັບທິມງານກ່ຽວກັບການປິດສິ່ງກໍ່ສ້າງນິວເຄຼຍຢົງບຽນແລະບັນຫາລະບຽບກວດກາທີ່ກ່ຽວຂ້ອງ.
ທ່ານລີເຈຊົນກ່າວເນັ້ນວ່າ, ຝ່າຍສປປເກົາຫລີເຫັນດີອິງຕາມເອກະສານຮ່ວມ 13 ກຸມພາປິດສິ່ງກໍ່ສ້າງນິວເຄຼຍຢົງບຽນພາຍໃນ 60 ມື້ແມ່ນມີເງື່ອນໄຂເບື້ອງຕົ້ນຄືອາເມລິກາຕ້ອງຍົກເລີກການກັກເງິນຝາກຂອງສປປເກົາຫລີໃນທະນາຄານບັງໂຄ ເດັນທາ ອາຊີ ພາຍໃນ 30 ມື້.
|
|
