ຕາມ​ຂ່າວສານ​ຊິນ​ຮວາ:ວັນ​ທີ21​ເມສາ​ນີ້,ອິນ​ໂດ​ເນ​ເຊຍ​ໄດ້​ເກີດ​ອຸປະຕິ​ເຫດ​ລົດ​ໄຟຕົກ​ລາງ,​ ຢ່າງ​ໜ້ອຍເຮັດ​​ໃຫ້​70​ຄົນ​ບາດ​ເຈັບ,​ໃນ​ນັ້ນ​ມີ16ຄົນບາດ​ເຈັບໜັກ.ສາ​​ເຫດ​ຂອງອຸປະຕິ​ເຫດ​ແມ່ນ​ຝົນຕົກ​ແຮງ​ເຮັດ​ໃຫ້​ທາງ​ລົດ​ໄຟ​ຖືກ​ທຳລາຍ.ໃນ​ຕອນ​ຄ່ຳ​ມື້​ດຽວ​ກັນ,ຢູ່​ອິນ​ໂດ​ເນ​ເຊຍ​ຍັງ​ໄດ້​ເກີດອຸປະຕິ​ເຫດ​ລົດ​ໄຟ​ຕົກ​ລາງ​ອີກລາຍ​ໜຶ່ງ​,​ແຕ່​ບໍ່​ມີຄົນ​ບາດ​ເຈັບ​ແລະ​​ເສຍ​ຊີວິດ.

ເນື່ອງ​ຈາກ​ທາງ​ລົດ​ໄຟເກົ່າ​ແກ່​,​ໃນ​ຫຼາຍ​ເດືອນ​ມາ​ນີ້,ອິນ​ໂດ​ເນ​ເຊຍ​ໄດ້​ເກີດ​ອຸປະ​ຕິ​ເຫດລົດ​ໄຟ​ຢ່າງ​ເນື່ອງ​ນິດ.ຫວ່າງ​ມໍ່ໆ​ນີ້,ກະຊວງ​ຄົມມະ​ນາຄົມ​ອິນ​ໂດ​ເນ​ເຊຍ​ປະກາດ​ວ່າ,ຈະ​ເບີກງົບ​ປະມານ200​ລ້ານ​ຣູ​ເປຍ(​ເທົ່າ​ກັບປະມານ22​ລ້ານ​ໂດ​ລາ)ມາ​ສ້ອມ​ແປງທາງ​ລົດ​ໄຟ​ທົ່ວ​ປະ​ເທດ​ອິນ​ໂດ​ເນ​ເຊຍ.