|
ລັດຖະມົນຕີການຕ່າງປະເທດອາເມລິກາເຕືອນໃຫ້ອີຣານເຂົ້າຮ່ວມກອງປະຊຸມສາກົນກ່ຽວກັບບັນຫາຄວາມປອດໄພອີຣັກ
cri
Author: mo
ຕາມຂ່າວສານຊີນຮວາ: ວັນທີ 23 ເມສານີ້, ໜັງສືພິມຟາຍແນນໂຊ ທາມສ໌ ຂອງອັງກິດລາຍງານວ່າ, ຫວ່າງມໍ່ໆນີ້, ນາງຄອນໂດລີຊາ ໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາເຕືອນໃຫ້ອີຣານເຂົ້າຮ່ວມກອງປະຊຸມສາກົນກ່ຽວກັບບັນຫາຄວາມປອດໄພອີຣັກທີ່ຈະໄຂຂຶ້ນໃນໄວໆນີ້, ແລະກ່າວວ່າ, ຖ້າບໍ່ເຂົ້າຮ່ວມກອງປະຊຸມ, ອີຣານຈະພາດໂອກາດທີ່ດີ.
ປັດຈຸບັນ, ອີຣານຍັງບໍ່ທັນຕົກລົງວ່າຈະແຕ່ງທ່ານມູຕາກີ ລັດຖະມົນຕີວ່າການກະຊວງການຕ່າງປະເທດເຂົ້າຮ່ວມກອງປະຊຸມຫຼືບໍ່?
ກອງປະຊຸມສາກົນກ່ຽວກັບບັນຫາຄວາມປອດໄພອີຣັກຈະຈັດຂຶ້ນຢູ່ຊາມຊາອິດ ແຫຼ່ງທ່ອງທ່ຽວແຄມທະເລແດງເອຢິບແຕ່ວັນທີ 3 ຫາວັນທີ 4 ເດືອນໜ້າ, ກອງປະຊຸມຈະປຶກສາຫາລືກັນກ່ຽວກັບຈະເຮັດແນວໃດເພື່ອສະກັດກັ້ນການກໍ່ຄວາມຮຸນແຮງໃນອີຣັກ. ຜູ້ແທນຂອງປະເທດຕ່າງໆເຊັ່ນຊີຣີ ຕັວກກີ ແລະອາເມລິກາເປັນຕົ້ນຈະເຂົ້າຮ່ວມກອງປະຊຸມ.
|
|
