|
|
 |
| (GMT+08:00)
2007-04-26 19:53:50
|
 |
|
ສະພາຕ່ຳອາເມລິກາຜ່ານຍັດຕິເບີກເງິນໃຫ້ສົງຄາມສະບັບໃໝ່ຊຶ່ງລວມທັງຕາລາງເວລາຖອນທະຫານອອກຈາກອີຣັກ
cri
Author: da
ຕາມຂ່າວCRI: ວັນທີ25ເມສານີ້ ສະພາຕ່ຳອາເມລິກາໄດ້ຜ່ານຍັດຕິເບີກເງິນໃຫ້ສົງຄາມສະບັບໃໝ່,ໃນຂະນະທີ່ສະໜອງຄ່າໃຊ້ຈ່າຍທີ່ຕ້ອງການຂອງທະຫານອາເມລິການັ້ນ,ຍັງຮຽກຮ້ອງທະຫານອາເມລິກາຖອນອອກຈາກອີຣັກກ່ອນວັນທີ1ຕຸລາປີນີ້.
ວັນທີ25ເມສານີ້ ສະພາຕ່ຳໄດ້ຜ່ານຍັດຕິສະບັບນີ້ດ້ວຍຜົນການລົງຄະແນນສຽງຄື 218 ບັດເຫັນດີ 208 ບັດຄັດຄ້ານ.ອີງຕາມຍັດຕິສະບັບນີ້,ລັດຖະສະພາຈະເພີ່ມງົບປະມານ 90 ຕື້ກວ່າໂດລາໃຫ້ແກ່ການເຄື່ອນໄຫວທາງການທະຫານຂອງອາເມລິກາຢູ່ອີຣັກແລະອັຟການີສະຖານໃນປີນີ້.
ຍັດຕິຍັງຮຽກຮ້ອງກອງທະຫານສູ້ລົບຂອງອາເມລິກາຖອນອອກຈາກອີຣັກກ່ອນວັນທີ31ມີນາປີ2008,ແຕ່ອະນຸຍາດໃຫ້ເຫຼືອໄວ້ກອງທະຫານສ່ວນໜຶ່ງ,ເພື່ອປະຕິບັດໜ້າທີ່ບໍ່ແມ່ນສູ້ລົບຄືໂຈມຕີພວກກໍ່ການຮ້າຍແລະເຝິກອົບຮົມກອງທັບອີຣັກ.
ນາງດານາ ເພຣີໂນ ໂຄສົກທຳນຽບຂາວອອກຖະແຫຼງການວ່າ,ຍັດຕິຂອງສະພາຕ່ຳເຮັດໃຫ້ຄົນ"ຜິດຫວັງ".ປະທານາທິບໍດີຫວັງວ່າພາຍຫຼັງທ່ານຢັບຢັ້ງຍັດຕິສະບັບນີ້ແລ້ວ,ພ້ອມກັບຜູ່ນຳສະພາສ້າງຍັດຕິໃໝ່.
|
|
|
