|
|
 |
| (GMT+08:00)
2007-05-03 19:03:14
|
 |
|
ຈີນສະໜັບສະໜູນຂະບວນການສ້າງອີຣັກຄືນໃໝ່
cri
Author: da
ຕາມຂ່າວCRI:ວັນທີ3ພຶດສະພານີ້ ໃນກອງປະຊຸມສັນຍາສາກົນອີຣັກທີ່ຈັດຂຶ້ນຢູ່ເມືອງຊາມ ອານ ເຊອິກຂອງເອຢິບ ທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນໄດ້ກ່າວເນັ້ນວ່າ, ຈີນສະໜັບສະໜູນຂະບວນການສ້າງອີຣັກຄືນໃໝ່ໂດຍຕະຫຼອດ.
ທ່ານຢາງເຈຊືກ່າວວ່າ,ການເລີ່ມຕົ້ນ"ສັນຍາສາກົນ"ແມ່ນເວລາສຳຄັນໃນຂະບວນການສ້າງສາອີຣັກຄືນໃໝ່.ຈີນສະໜັບສະໜູນບົນພື້ນຖານໂຄລົບອະທິປະໄຕແລະເອກະລາດ,ອີງຕາມຫຼັກການແລະຄວາມຮຽກຮ້ອງທີ່ກ່ຽວຂ້ອງຂອງ"ສັນຍາສາກົນ",ປະເມີນຄວາມຄືບໜ້າຂອງການສ້າງສາອີຣັກຄືນໃໝ່ແລະການຊ່ອຍເຫຼືອຂອງສາກົນຕາມເວລາກຳນົດ,ແລະເຮັດເລື່ອງນີ້ໃຫ້ດີ.
ທ່ານຢາງເຈຊືສະແດງວ່າ,ປະຈຸບັນ ຈີນພວມຕັ້ງໜ້າປະຕິບັດຕາມຄຳໝັ້ນສັນຍາທີ່ຊ່ອຍອີຣັກສ້າງສາຄືນໃໝ່,ແລະປະກາດຢ່າງໜັກແໜ້ນວ່າ,ປີນີ້ ລັດຖະບານຈີນຈະຊ່ອຍເຫຼືອອີຣັກລ້າເປັນມູນຄ່າ 50 ລ້ານຢວນ,ໃຊ້ເຂົ້າໃນການສະໜອງວັດສະດຸໃຫ້ອີຣັກໃນຂົງເຂດສາທາລະນະສຸກແລະການສຶກສາເປັນຕົ້ນ.ລັດຖະບານຈີນຍິນດີຫຼຸດແລະຍົກເວັ້ນໜີ້ສິນຂອງອີຣັກຢ່າງຫຼວງຫຼາຍ,ໃນນັ້ນ ໜີ້ສິນຂອງລັດຖະບານອີຣັກສາມາດຍົກເວັ້ນໝົດໄດ້.
ວັນທີ3ພຶດສະພານີ້ ກອງປະຊຸມ"ສັນຍາສາກົນອີຣັກ"ໄດ້ເລີ່ມຕົ້ນ"ສັນຍາສາກົນ"ທີ່ຊ່ອຍອີຣັກສ້າງສາຄືນໃໝ່ນັ້ນຢ່າງເປັນທາງການ.
|
|
|
