|
|
 |
| (GMT+08:00)
2007-05-04 18:18:45
|
 |
|
ລັດຖະມົນຕີກະຊວງເສດຖະກິດຂອງອາຊຽນຮຽກຮ້ອງໃຫ້ເລັ່ງລັດວາງແຜນເຊື່ອມໂຍງເສດຖະກິດ
cri
Author: da
ຕາມຂ່າວສານຊິນຮວາ: ວັນທີ3ພຶດສະພານີ້ ຢູ່ບຼູໄນ ລັດຖະມົນຕີກະຊວງເສດຖະກິດຂອງບັນດາປະເທດອາຊຽນອອກຖະແຫຼງການຮ່ວມ,ຮຽກຮ້ອງໃຫ້ຂະແໜງການທີ່ກ່ຽວຂ້ອງຂອງບັນດາປະເທດອາຊຽນເພີ່ມທະວີການປະສານງານແລະການຮ່ວມມື,ເລັ່ງລັດສຳເລັດວຽກງານວາງແຜນເຊື່ອມໂຍງເສດຖະກິດຂອງອາຊຽນ,ເພື່ອອະນຸມັດແຜນດັ່ງກ່າວໃນກອງປະຊຸມສຸດຍອດອາຊຽນຄັ້ງທີ13ທີ່ຈະຈັດຂຶ້ນຢູ່ສິງກະໂປໃນເດືອນພະຈິກປີນີ້,ບັນລຸໃຫ້ເສດຖະກິດອາຊຽນເຊື່ອມໂຍງເຂົ້າກັນໂດຍໄວ.
ລັດຖະມົນຕີກະຊວງເສດຖະກິດຂອງບັນດາປະເທດອາຊຽນແມ່ນອອກຖະແຫຼງການດັ່ງກ່າວໃນກອງປະຊຸມບໍ່ເປັນທາງການຂັ້ນລັດຖະມົນຕີກະຊວງເສດຖະກິດອາຊຽນຄັ້ງທີ 13 ທີ່ຈັດຂຶ້ນຢູ່ບຼູໄນໃນມື້ດຽວກັນ.ຖະແຫຼງການຂຽນວ່າ,ປະຈຸບັນ ບັນດາປະເທດອາຊຽນໄດ້ເຮັດວຽກຢ່າງຫຼວງຫຼາຍທີ່ມີລັກສະນະທາດແທ້ເພື່ອຮ່າງແຜນເຊື່ອມໂຍງເສດຖະກິດອາຊຽນ,ເຊິ່ງລວມທັງມາດຕະການລະອຽດແລະຕາລາງເວລາການບັນລຸການເຊື່ອມໂຍງເສດຖະກິດອາຊຽນໃນປີ2015.
|
|
|
