|
ຕາມຂ່າວCRI:ວັນທີ7ພຶດສະພານີ້,ການເຈລະຈາສັນຍາການຄ້າເສລີສອງຝ່າຍຮອບທີ1ລະຫວ່າງສ.ເກົາຫຼີແລະສະຫະພາບເອີລົບທີ່ຈະດຳເນີນໄປ5ມື້ໄດ້ເລິ່ມຈັດຂຶ້ນຢູ່ເຊອູນ ນະຄອນຫຼວງສ.ເກົາຫຼີ.
ມື້ດຽວກັນ,ສອງຝ່າຍໄດ້ຈັດກອງປະຊຸມຄົບຄະນະ,ເພື່ອຫາລືວາລະການປະຊຸມໃນຂ້າງໜ້າ,ເວລາແລກປ່ຽນສັນຍາອະນຸມັດເຂົ້າສູ່ຕະຫຼາດລະຫວ່າງສອງຝ່າຍແລະບັນຫາອື່ນໆ.ການເຈລະຈາຈະຈັດຕັ້ງເປັນ4ໜ່ວຍງານ,ຄື,ສິນຄ້າ,ການບໍລິການແລະການລົງທຶນ,ຂໍ້ກຳນົດໃນການຄ້າ ພ້ອມທັງ ການແກ້ໄຂຄວາມເຫັນທີ່ຂັດແຍ່ງແລະການພັດທະນາແບບຍືນຍົງ.ທ່ານກິມ ຮານຊູ ຫົວໜ້າກົມສັນຍາການຄ້າເສລີຂອງກະຊວງການຕ່າງປະເທດແລະການຄ້າສ.ເກົາຫຼີເປັນຫົວໜ້າຄະນະຜູ້ແທນຂອງສ.ເກົາຫຼີ,ສ່ວນຫົວໜ້າຄະນະຜູ້ແທນສະຫະພາບເອີລົບນັ້ນແມ່ນທ່ານກາເຊຍ.ເບຍຊີວ ຫົວໜ້າພະແນກອາຊີຕາເວັນອອກຂອງກົມໃຫຍ່ການຄ້າສະຫະພາບເອີລົບ.
ການເຈລະຈາສັນຍາການຄ້າເສລີສອງຝ່າຍຮອບທີ2ແລະຮອບທີ3ລະຫວ່າງສ.ເກົາຫຼີກັບສະຫະພາບເອີລົບຈະຈັດຂຶ້ນຢູ່ບຣຸກແຊນຂອງແບນຊິກ,ສອງຝ່າຍມີແຜນຈະສຳເລັດການເຈລະຈາກ່ອນທ້າຍປີນີ້.
ສະຫະພາບເອີລົບແມ່ນຄູ່ການຄ້າໃຫຍ່ທີສອງຂອງສ.ເກົາຫຼີ ຮອງຈາກຈີນ.ປີກາຍນີ້,ຍອດມູນຄ່າການຄ້າລະຫວ່າງສອງຝ່າຍມີ79ຕື້400ລ້ານໂດລາ.
|
