|
|
 |
| (GMT+08:00)
2007-05-07 17:55:37
|
 |
|
ຫວຽດນາມເກີດພະຍາດໄຂ້ຫວັດສັດປີກອີກ
cri
ຕາມຂ່າວສານຊິນຮວາ,ວັນທີ7ພຶດສະພານີ້,ກົມສັດຕະວະແພດຂອງກະຊວງກະສິກຳແລະການພັດທະນາຊົນນະບົດຫວຽດນາມແຈ້ງວ່າ,ຫວ່າງມໍ່ໆນີ້,ພາກກາງຂອງຫວຽດນາມໄດ້ມີສັດປີກຕິດເຊື້ອພະຍາດໄຂ້ຫວັດສັດປີກ.
ແຕ່ວັນທີ1ຮອດວັນທີ4ພຶດສະພານີ້,ຢູ່ແຂວງເງອານ ພາກກາງຂອງຫວຽດນາມ,ເປັດ240ກວ່າໂຕຂອງຄອບຄົວກະສິກອນຄອບຄົວໜຶ່ງໄດ້ຕາຍຢ່າງກະທັນຫັນ,ການກວດກາເປັດຕາຍທີ່ເປັນຕົວຢ່າງສະແດງໃຫ້ເຫັນວ່າ,ເປັດເຫຼົ່ານີ້ໄດ້ຕິດເຊື້ອພະຍາດໄຂ້ຫວັດສັດປີກ.ພະແນກສັດຕະວະແພດທ້ອງຖິ່ນດັ່ງກ່າວໄດ້ຂ້າເປັດ360ໂຕທີ່ຍັງເຫຼືອຢູ່ແຫ່ງນັ້ນ,ແລະຍັງໄດ້ຈຳກັດເຂດເກີດພະຍາດອີກດ້ວຍ.ປັດຈຸບັນ,ພາກສ່ວນທີ່ກ່ຽວຂ້ອງຂອງຫວຽດນາມໄດ້ຮຽກຮ້ອງໃຫ້ເພີ່ມທະວີວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກແລະຊັກຢາວັກແຊງໃຫ້ສັດປີກລ້ຽງຕື່ມອີກ.
ນັບແຕ່ຫວຽດນາມເກີດພະຍາດໄຂ້ຫວັດສັດປີກໃນປີ2003ເປັນຕົ້ນມາໄດ້ມີເຂດເກີດພະຍາດ2000ກວ່າແຫ່ງ,ເຊິ່ງເຮັດໃຫ້ສັດປີກ40ລ້ານໂຕຕາຍຫຼືຖືກຂ້າ,ສ້າງຄວາມເສຍຫາຍໂດຍກົງປະມານ200ລ້ານໂດລາ.
|
|
|
