|
|
 |
| (GMT+08:00)
2007-05-10 11:19:05
|
 |
|
ການປ່ອນບັດເລືອກຕັ້ງປະທານາທິບໍດີຕີມໍເລສເຕຮອບທີ2ສິ້ນສຸດລົງແລ້ວ
cri
Author: da
ຕາມຂ່າວສານຊິນຮວາ: ການປ່ອນບັດເລືອກຕັ້ງປະທານາທິບໍດີຕີມໍເລສເຕຮອບທີ2ໄດ້ສິ້ນສຸດລົງຢ່າງສະດວກໃນຕອນບ່າຍວັນທີ9ພຶດສະພານີ້.ທ່ານອານລີເຊີນ ຄູບເປີ ໂຄສົກຄະນະພິເສດຂອງສະຫະປະຊາຊາດປະຈຳຕີມໍເລສເຕເວົ້າວ່າ,ໃນການປ່ອນບັດ ກຸ່ມຜູ່ສະໜັບສະໜູນຂອງຜູ່ສະໝັກຮັບເລືອກຕັ້ງທັງສອງຝ່າຍບໍ່ໄດ້ເກີດການປະທະກັນທີ່ຮ້າຍແຮງ.
ທ່ານຄູບເປີເວົ້າວ່າ,ການປ່ອນບັດໄດ້ສິ້ນສຸດລົງແລ້ວ,ມາຮອດປະຈຸບັນ ສະພາບການມີຄວາມສະຫງົບທີ່ສຸດ,ບໍ່ມີເຫດການຮຸນແຮງເກີດຂຶ້ນ.ເຈົ້າໜ້າທີ່ຄະນະກຳມະການເລືອກຕັ້ງກ່າວວ່າ,ຖ້າການນັບບັດດຳເນີນຢ່າງສະດວກ,ອາດຈະໄດ້ຜົນເບື້ອງຕົ້ນໃນຕອນຄ່ຳວັນທີ9ພຶດສະພານີ້.
ຜູ່ສະໝັກຮັບເລືອກຕັ້ງສອງທ່ານທີ່ເຂົ້າຮ່ວມການແຂ່ງຂັນຮອບທີ2ແມ່ນທ່ານຝຣານຊີສໂກ ກູເຕີເຣັສ ລູໂອໂລ ຜູ່ສະໝັກຮັບເລືອກຕັ້ງຂອງແນວໂຮມປະຕິວັດເພື່ອເອກະລາດຂອງຕີມໍເລສເຕ ຊຶ່ງເປັນພັກການເມືອງໃຫຍ່ກວ່າໝູ່ ທັງເປັນປະທານລັດຖະສະພາຕີມໍເລສເຕ ແລະທ່ານໂຈເຊ ຣາມອັສ ໂອຕາ ນາຍົກລັດຖະມົນຕີປະຈຸບັນທີ່ເຂົ້າຮ່ວມໃນຖານະຜູ່ສະໝັກຮັບເລືອກຕັ້ງອິດສະຫຼະ.ໃນການປ່ອນບັດຮອບທີ1,ທ່ານທັງສອງຕ່າງກໍໄດ້ສຽງສະໜັບສະໜູນ 29% ແລະ23% ຈາກຜູ່ມີສິດເລືອກຕັ້ງ.
|
|
|
