|
ບົດລາຍງານຂອງສະຖາບັນຄຸ້ມຄອງບໍລິຫານສາກົນໂລຊານສະແດງໃຫ້ເຫັນວ່າລຳດັບຄວາມສາມາດແຂ່ງຂັນຂອງເຂດໃນຈີນສູງຂຶ້ນຕໍ່ມາ
cri
ຕາມຂ່າວສານຊິນຮວາ,ວັນທີ10ພຶດສະພານີ້,ສະຖາບັນຄຸ້ມຄອງບໍລິຫານສາກົນຫຼືIMDຂອງໂລຊານແຫ່ງປະເທດສວິສໄດ້ປະກາດບົດລາຍງານປະຈຳປີກ່ຽວກັບຄວາມສາມາດແຂ່ງຂັນສາກົນ.ປີນີ້,ຄວາມສາມາດແຂ່ງຂັນຂອງເຂດໃນຈີນໄດ້ສູງຂຶ້ນອີກ3ລຳດັບ.
ບົດລາຍງານສະແດງໃຫ້ເຫັນວ່າ,ການລຽງລຳດັບຄວາມສາມາດແຂ່ງຂັນຂອງເຂດໃນຈີນປີນີ້ໄດ້ຈາກອັນດັບທີ18ໃນປີກາຍຂຶ້ນມາຢູ່ທີ່ອັນດັບ15,ແລະໄດ້ລື່ນກາຍເຂດໄຕ້ຫວັນຈີນເປັນເທື່ອທຳອິດ.
ຫວ່າງມໍ່ໆນີ້,ນາງຊູຊານ ແອວ ແມັກໂຄລີ ຮອງຫົວໜ້າສູນຄົ້ນຄວ້າຄວາມສາມາດແຂ່ງຂັນຂອງໂລກຂອງສະຖາບັນຄຸ້ມຄອງບໍລິຫານສາກົນໂລຊານໄດ້ແຈ້ງໃຫ້ສື່ມວນຊົນຊາບວ່າ,ໃນຊຸມປີມໍ່ໆມານີ້,ເສດຖະກິດຈີນສືບຕໍ່ເຕີບໂຕຢ່າງວ່ອງໄວແລະເຕັມໄປດ້ວຍພະລັງແຮງ,ການຄ້າກັບຕ່າງປະເທດກໍໄດ້ເປີດກວ້າງອອກເລື້ອຍໆ,ທັງໝົດເຫຼົ່ານີ້ແມ່ນປັດໄຈສຳຄັນທີ່ສຸດທີ່ຊຸກຍູ້ໃຫ້ຄວາມສາມາດແຂ່ງຂັນຂອງຈີນເພີ່ມຂຶ້ນ.ນາງຍັງກ່າວວ່າ,ຄາດວ່າ,ຄວາມສາມາດແຂ່ງຂັນຂອງຈີນຍັງຈະສືບຕໍ່ສູງຂຶ້ນອີກ,ແຕ່ຖ້າຢາກບືນຂຶ້ນຮອດ10ອັນດັບທຳອິດຂອງໂລກຍັງຕ້ອງໃຊ້ເວລາດົນສົມຄວນ.
|
|
