|
|
 |
| (GMT+08:00)
2007-05-16 16:59:08
|
 |
|
ການປະທະກັນດ້ວຍກຳລັງອາວຸດລະຫວ່າງອົງການຮາມາສກັບອານຟາຕາເພີ່ມຄວາມຮຸນແຮງຂຶ້ນຕໍ່ໄປ
cri
Author: da
ຕາມຂ່າວCRI: ວັນທີ15ພຶດສະພານີ້ ການປະທະກັນຢູ່ແຖບກາຊາລະຫວ່າງອົງການຮາມາສ ຂະບວນຕໍ່ຕ້ານອິສຣາມປາເລັສຕີນກັບອານຟາຕາ ຂະບວນການປົດປ່ອຍຊາດປາເລັສຕີນໄດ້ເພີ່ມຄວາມຮຸນແຮງຂຶ້ນຕໍ່ໄປ,ເຮັດໃຫ້ຄົນເສຍຊີວິດ 15 ຄົນ.ນີ້ແມ່ນມື້ໜຶ່ງທີ່ມີຄົນເສຍຊີວິດຫຼາຍກວ່າໝູ່ໃນການປະທະກັນລະຫວ່າງສອງຝ່າຍນັບແຕ່ລັດຖະບານປະສົມແຫ່ງຊາດປາເລັສຕີນສ້າງຕັ້ງຂຶ້ນໃນເດືອນມີນາປີນີ້ເປັນຕົ້ນມາ.
ຕອນຮຸ່ງເຊົ້າມື້ນັ້ນ,ສະມາຊິກຂອງກຸ່ມປະກອບອາວຸດຂອງຮາມາສຜູ່ໜຶ່ງຖືກຍິງຕາຍໃນການປະທະກັນ.ຖັດມາ,ກອງອາລັກຂາທ່ານອັບບາສ ປະທານອົງການອຳນາດແຫ່ງຊາດປາເລັສຕີນ 8 ຄົນຖືກກຸ່ມປະກອບອາວຸດຂອງຮາມາສຫຼອນຍິງເສຍຊີວິດຢູ່ໃກ້ກັບທ່າເມືອງຄານີທີ່ຊາຍແດນປາເລັສຕີນອິສຣາແອນ.ຫຼັງຈາກນັ້ນບໍ່ເທົ່າໃດຊົ່ວໂມງ,ເຈົ້າໜ້າທີ່ຮັກສາຄວາມປອດໄພຜູ່ໜຶ່ງຂອງອານຟາຕາຖືກກຸ່ມປະກອບອາວຸດຂອງຮາມາສຍິງຕາຍຢູ່ເມືອງກາຊາ.ຫຼັງຈາກນັ້ນ,ມີອີກ5ຄົນເສຍຊີວິດໃນການປະທະກັນ.
ວັນທີ15ພຶດສະພານີ້ ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ສະແດງຄວາມເປັນຫ່ວງທີ່ສຸດນຳການປະທະກັນລະຫວ່າງກຸ່ມຕ່າງໆຂອງປາເລັສຕີນ.
ມື້ດຽວກັນ ທ່ານທອມ ເຄຊີ ຮອງໂຄສົກກະຊວງການຕ່າງປະເທດອາເມລິກາກ່າວວ່າ,ຊາວປາເລັສຕີນຕ້ອງການສິ່ງແວດລ້ອມທີ່ປອດໄພແລະໄວ້ໃຈໄດ້.
ມື້ດຽວກັນ ຢູ່ລີອັດ ນະຄອນຫຼວງອາລາບີ ຊາອູດິດ,ຜູ່ນຳຂອງ 6 ປະເທດສະມາຊິກຄະນະກຳມະການຮ່ວມມືອ່າວເປີເຊຍໄດ້ຮຽກຮ້ອງໃຫ້ຝ່າຍຕ່າງທຫປາເລັສຕີນຈົ່ງຢຸດຕິການເຄື່ອນໄຫວທີ່ເປັນປໍລະປັກກັນດ້ວຍກຳລັງອາວຸດທັງໝົດ,ເພື່ອຮັກສາຄວາມສາມັກຄີແລະສະຖຽນລະພາບພາຍໃນປາເລັສຕີນ.
ນອກນີ້ຂ່າວແຈ້ງວ່າ,ຕອນເດິກທ່ຽງຄືນມື້ດຽວກັນ ທ່ານຮານີເຢ ນາຍົກລັດຖະມົນຕີລັດຖະບານປາເລັສຕີນປົກຄອງຕົນເອງກ່າວວ່າ,ອົງການຮາມາສກັບອົງການອານຟາຕາໄດ້ກ້າວເຖິງຂັ້ນເຊັນສັນຍາຢຸດຍິງສະບັບໃໝ່ແລ້ວ,ສອງຝ່າຍເຫັນດີເລີ່ມຖອນກຸ່ມປະກອບອາວຸດຂອງຕົນຄືນນັບແຕ່ຕອນກາງຄືນມື້ດຽວກັນ.ນີ້ແມ່ນສັນຍາສະບັບທີ3ທີ່ມີເນື້ອໃນຄືກັນທີ່ສອງຝ່າຍເຊັນກັນແຕ່ວັນທີ13ພຶດສະພານີ້ເປັນຕົ້ນມາ.
|
|
|
