|
ຕາມຂ່າວCRI:ວັນທີ17ພຶດສະພານີ້ ຂະບວນລົດໄຟທີ່ເຊື່ອມຕໍ່ພາກເໜືອກັບພາກໃຕ້ແຫຼມເກົາຫຼີໄດ້ເລີ່ມທົດລອງແລ່ນ,ຂະບວນລົດໄຟຈະແລ່ນຜ່ານເສັ້ນຊາຍແດນທະຫານເໜືອໃຕ້ເປັນຄັ້ງທຳອິດຫຼັງຈາກເຄິ່ງສະຕະວັດມານີ້.
ມື້ດຽວກັນ ທັງສອງເກົາຫຼີຕ່າງໄດ້ຈັດພິທີສະຫຼອງການທົດລອງແລ່ນລົດໄຟເຊື່ອມຕໍ່ເໜືອໃຕ້ຢູ່ສະຖານີມູນຊານແລະສະຖານີຄຸມກາງຊານ. ຫຼັງຈາກນັ້ນ,ລົດໄຟຂອງສອງຝ່າຍຕ່າງກໍໄດ້ທົດລອງແລ່ນຕາມສາຍຈີອົງກູອີ(ຄືຈາກເຊອຸ່ນຮອດຊີນູອີຈູສປປເກົາຫຼີ)ແລະສາຍດົງໄຫ.ຢູ່ສາຍຈີອົງກູອີ,ລົດໄຟຂອງສ.ເກົາຫຼີແລ່ນຈາກສະຖານີມູນຊານຂອງສ.ເກົາຫຼີຜ່ານບານມູນກິມປະມານ 27 ກິໂລແມັດປາຍ,ໄປຮອດສະຖານີໄຄຊົງຂອງສປປເກົາຫຼີ.ຢູ່ສາຍດົງໄຫ,ລົດໄຟຂອງສປປເກົາຫຼີຈາກສະຖານີຄຸມກາງຊານຂອງສປປເກົາຫຼີ ແລ່ນຜ່ານເສັ້ນຊາຍແດນທະຫານໄປປະມານ25ກິໂລແມັດປາຍ,ໄປຮອດສະຖານີເຈຈິນຂອງສ.ເກົາຫຼີ.
ເຈົ້າໜ້າທີ່ຈາກວົງການຕ່າງໆ300ຄົນຂອງສອງຝ່າຍເຊັ່ນທ່ານລີໄຈຈົງ ລັດຖະມົນຕີວ່າການກະຊວງເອກະພາບສ.ເກົາຫຼີ,ທ່ານຄຸນຮູອົງ ທີ່ປຶກສາຮັບຜິດຊອບຂອງລັດຖະບານສປປເກົາຫຼີ,ທ່ານລີຢົງຊຸບ ລັດຖະມົນຕີກໍ່ສ້າງຄົມມະນາຄົມສ.ເກົາຫຼີແລະທ່ານກິມຢົງຊຳ ລັດຖະມົນຕີກະຊວງທາງລົດໄຟສປປເກົາຫຼີ ໄດ້ເຂົ້າຮ່ວມພິທີທົດລອງແລ່ນລົດໄຟໃນຄັ້ງນີ້.
|
