|
|
 |
| (GMT+08:00)
2007-05-18 17:02:47
|
 |
|
ອິສຣາແອນໂຈມຕີກາຊາທາງອາກາດອີກເທື່ອໜຶ່ງເຮັດໃຫ້9ຄົນເສຍຊີວິດແລະບາດເຈັບ
cri
Author: da
ຕາມຂ່າວCRI:ວັນທີ18ພຶດສະພານີ້ ເຈົ້າໜ້າທີ່ຮັກສາຄວາມປອດໄພປາເລັສຕີນກ່າວວ່າ,ມື້ດຽວກັນ ອີສຣາແອນໄດ້ຫຼອນໂຈມຕີກາຊາທາງອາກາດອີກເທື່ອໜຶ່ງ,ເຮັດໃຫ້4ຄົນເສຍຊີວິດ,ບາດເຈັບ5 ຄົນ.
ຜູ່ເຫັນເຫດການກ່າວວ່າ,ຕອນຂ້ອນແຈ້ງວັນທີ18ພຶດສະພາຕາມເວລາທ້ອງຖິ່ນ,ອິສຣາແອນໄດ້ຫຼອນໂຈມຕີເຂດພາກຕາເວັນອອກເມືອງກາຊາທາງອາກາດສອງເທື່ອ.ເທື່ອທີໜຶ່ງແມ່ນຫຼອນໂຈມຕີທີ່ຕັ້ງຂອງກອງພົນນ້ອຍຄາຊຳ ທີ່ເປັນກຸ່ມປະກອບອາວຸດສັງກັດອົງການຮາມາສ,ຈາກນັ້ນກໍໄດ້ຫຼອນໂຈມຕີສະມາຊິກກອງພົນນ້ອຍຄາຊຳທາງອາກາດທີ່ເຂົາເຈົ້າກຳລັງຍິງລົກແກັດໃສ່ອິສຣາແອນ,ເຮັດໃຫ້ເຂົາເຈົ້າເສຍຊີວິດ4 ຄົນ.ເມື່ອຊາວປາເລັສຕີນຫຼາຍສິບຄົນໄປຊ່ອຍກູ້ໄພ,ທະຫານອິສຣາແອນໄດ້ຍິງປືນໃສ່ເຂົາເຈົ້າອີກເຮັດໃຫ້ມີຫຼາຍສິບຄົນບາດເຈັບ.
ວັນທີ17ພຶດສະພານີ້ ອິສຣາແອນເຄີຍຫຼອນໂຈມຕີທາງອາກາດຕໍ່ພາກເໜືອກາຊາຫຼາຍເທື່ອ,ຍິງຊາວປາເລັສຕີນເສຍຊີວິດຢ່າງໜ້ອຍ7ຄົນ,ຫຼາຍສິບຄົນບາດເຈັບ.
ວັນທີ17ພຶດສະພານີ້,ສັນນິບາດອາລັບແລະເອຢິບຕ່າງກໍໄດ້ອອກຖະແຫຼງການ,ກ່າວປະນາມທະຫານອິສຣາແອນຫຼອນໂຈມຕີເມືອງກາຊາທາງອາກາດ,ແລະຮຽກຮ້ອງໃຫ້ຝ່າຍຕ່າງໆຂອງປາເລັສຕີນຢຸດຕິການປະທະກັນໃນທັນທີ.
|
|
|
