|
ອິສຣາແອນສືບຕໍ່ໂຈມຕີກາຊາທາງອາກາດ ຜູ່ປະກອບອາວຸດປາເລັສຕິນຫຼອນໂຈມຕີຕຳຫຼວດອິສຣາແອນ
cri
ຕາມຂ່າວCRI, ວັນທີ26ພຶດສະພານີ້,ກອງທະຫານອິສຣາແອນສືບຕໍ່ດຳເນີນການໂຈມຕີທາງອາກາດຕໍ່ເປົ້າໝາຍຂອງອົງການຮາມາສຢູ່ກາຊາ.
ມື້ດຽວກັນ,ກອງທະຫານອິສຣາແອນໄດ້ໂຈມຕີກາຊາທາງອາກາດລວມ4ເທື່ອ,ຝ່າຍຮາມາສຢືນຢັນວ່າ,ສະມາຊິກສອງຄົນຂອງອົງການດັ່ງກ່າວໄດ້ເສຍຊີວິດໃນການຫຼອນໂຈມຕີ.
ນອກນີ້,ຕາມຂ່າວແຈ້ງວ່າ,ຕອນຄ່ຳວັນທີ26ພຶດສະພານີ້,ຢູ່ກາງທາງໄປປະຕິບັດໜ້າທີ່ຢູ່ປ້ອມກວດກາແຫ່ງໜຶ່ງຢູ່ເຢລູຊາເລັມ,ຜູ່ປ້ອງກັນຄວາມປອດໄພຂອງອິສຣາແອນຖືກຜູ່ປະກອບອາວຸດປາເລັສຕິນສອງຄົນຫຼອນໂຈມຕີ,ເຮັດໃຫ້ຜູ່ປ້ອງກັນຄວາມປອດໄພອິສຣາແອນສອງຄົນຖືກບາດເຈັບ.ຈາກນັ້ນ,ກອງປ້ອງກັນຄວາມປອດໄພອິສຣາແອນຍິງປືນຕ່າວຕີຄືນ,ໄດ້ຍິງຜູ່ຫຼອນໂຈມຕີສອງຄົນນັ້ນຕາຍ.ນອກນີ້,ໃນການຍິງປືນໃສ່ກັນ,ຍັງມີຄົນເດີນທາງຜູ່ໜຶ່ງຂອງປາເລັສຕິນໄດ້ຮັບບາດເຈັບສາຫັດ,ແລ້ວເສຍຊີວິດຍ້ອນປົວບໍ່ໄດ້.ອົງການກອງພົນນ້ອຍຜູ່ເສຍສະຫຼະອານອັກຊາເຊິ່ງເປັນອົງການປະກອບອາວຸດຂອງປາເລັສຕິນໄດ້ປະກາດຮັບຜິດຊອບຕໍ່ເຫດການດັ່ງກ່າວ.
|
|
