|
|
 |
| (GMT+08:00)
2007-06-05 12:03:19
|
 |
|
ປະເທດອາຊຽນເລີ່ມໃຊ້ລະບົບສູນຂໍ້ມູນຕຳຫຼວດ
cri
Author: da
ຕາມຂ່າວສານຊິນຮວາ: ວັນທີ4ມິຖຸນານີ້ ຄະນະຜູ່ແທນຂອງປະເທດອາຊຽນພ້ອມດ້ວຍອົງການຈັດຕັ້ງຕຳຫຼວດອາຍາສາກົນທີ່ເຂົ້າຮ່ວມກອງປະຊຸມສຸດຍອດຕຳຫຼວດປະເທດອາຊຽນຄັ້ງທີ27ໄດ້ພ້ອມກັນເປີດລະບົບສູນຂໍ້ມູນຕຳຫຼວດປະເທດອາຊຽນ.ການເປີດລະບົບດັ່ງກ່າວຈະເຮັດໃຫ້ກອງຕຳຫຼວດຂອງປະເທດຕ່າງໆໃນອາຊຽນບັນລຸການພ້ອມກັນນຳໃຊ້ຂໍ້ມູນຂ່າວສານຄວາມປອດໄພທີ່ສຳຄັນ.
ກອງປະຊຸມສຸດຍອດຕຳຫຼວດປະເທດອາຊຽນໄດ້ຈັດຂຶ້ນຢູ່ສິງກະໂປໃນມື້ດຽວກັນ.ຜູ່ຮັບຜິດຊອບຝ່າຍຕຳຫຼວດຂອງປະເທດຕ່າງໆເຊັ່ນ ຈີນ ຍີ່ປຸ່ນ ສ.ເກົາຫຼີ ອົສຕຼາຣີ ແລະນິວຊີແລນໄດ້ເຂົ້າຮ່ວມກອງປະຊຸມຄັ້ງນີ້ໃນຖານະເປັນຜູ່ສັງເກດການ.
ທ່ານຈາຢາຄູມາ ຮອງນາຍົກລັດຖະມົນຕີສິງກະໂປ ທັງເປັນລັດຖະມົນຕີກະຊວງວິໄນການເມືອງ ປ້ອງກັນຊາດແລະປະສານຄວາມປອດໄພຂອງສິງກະໂປໄດ້ກ່າວຄຳເປີດກອງປະຊຸມໂດຍກ່າວເນັ້ນວ່າ,ຝ່າຍຕຳຫຼວດຂອງປະເທດຕ່າງໆຄວນນຳໃຊ້ທ່າແຮງດ້ານຕາໜ່າງຂອງກອງຕຳຫຼວດໃນທົ່ວໂລກໃຫ້ຫຼາຍທີ່ຈະຫຼາຍໄດ້,ເພື່ອໂຈມຕີລັດທິກໍ່ການຮ້າຍ.
ໃນໄລຍະກອງປະຊຸມ,ຜູ່ແທນປະເທດຕ່າງໆຂອງອາຊຽນຈະຫາລືກັນກ່ຽວກັບການ ເພີ່ມທະວີການແລກປ່ຽນຂໍ້ມູນແລະຊ່ອຍເຫຼືອກັນໃນດ້ານຍຸດຕິທຳ,ພ້ອມກັນໂຈມຕີລັດທິກໍ່ການຮ້າຍ ການຜະລິດແລະຂາຍຢາເສບຕິດ ການຄ້າມະນຸດ ໂຈນທະເລ ອາດຊະຍາກຳທາງການທະນາຄານ ອາດຊະຍາກຳເນັດແລະບັນຫາອາດຊະຍາກຳຂ້າມຊາດອື່ນໆ.
|
|
|
