|
|
 |
| (GMT+08:00)
2007-06-05 19:40:23
|
 |
|
ກອງປະຊຸມລັດຖະມົນຕີກະຊວງສາທາລະນະສຸກຂອງອົງການອາເປັກເອົາໃຈໃສ່ການປ້ອງກັນແລະຄວບຄຸມໄຂ້ຫວັດສັດປີກ
cri
Author: mo
ຕາມຂ່າວCRI：ກອງປະຊຸມລັດຖະມົນຕີກະຊວງສາທາລະນະສຸກຂອງອົງການອາເປັກຄັ້ງທີ 2 ທີ່ໄຂເປັນເວລາ 3 ມື້ໄດ້ໄຂຂຶ້ນທີ່ຊິດນີໃນວັນທີ 5 ມິຖຸນານີ້. ລັດຖະມົນຕີສາທາລະນະສຸກແລະຜູ້ຕາງໜ້າຂອງ 21 ສະມາຊິກອົງກອນເສດຖະກິດຂອງອົງການດັ່ງກ່າວໄດ້ເຂົ້າຮ່ວມພິທີໄຂກອງປະຊຸມ.
ຜູ້ຮ່ວມປະຊຸມຈະເຈາະຈົງຫາລືມາດຕະກາດປ້ອງກັນທີ່ແນໃສ່ເຊື້ອໄວຣັດໄຂ້ຫວັດສັດປີກປະເພດຮ້າຍແຮງH5N1ອາດຈະແຜ່ລະບາດ, ແລະຈະແລກປ່ຽນຄວາມເຫັນຢ່າງກວ້າງຂວາງກ່ຽວກັບແຜນການຕ່າງໆເຊັ່ນ ຈະເພີ່ມທະວີການຮ່ວມມືພາກພື້ນແນວໃດ, ວາງແຜນການປ້ອງກັນພະຍາດຂອງພາກພື້ນ, ແລະສ້າງແຖບກັນຊົນພະຍາດເປັນຕົ້ນ.
ທ່ານໂທນີ ໂອເບີດ ລັດຖະມົນຕີກະຊວງສາທາລະນະສຸກອົສຕຼຣີໄດ້ປະກອບຄຳຄິດຄຳເຫັນໂດຍກ່າວເນັ້ນວ່າ, ປະເທດທີ່ພັດທະນາແລ້ວຂອງພາກພື້ນອາຊີປາຊີຟິກມີໜ້າທີ່ຮັບຜິດຊອບເສີມຂະຫຍາຍບົດບາດນຳພາໃນດ້ານປ້ອງກັນແລະຄວບຄຸມໄຂ້ຫວັດສັດປີກ, ແລະໃຫ້ການຊ່ອຍເຫຼືອດ້ານການເງິນແລະຢາຕ້ານເຊື້ອໄວຣັດໃຫ້ປະເທດທີ່ທຸກຍາກ.
|
|
|
